• Latest news

Ինչո՞վ է վտանգավոր զարկերակներում կալցիումի բարձր մակարդակը

18 հունիսի, 2019  09:42

Միջին տարիքում կորոնար զարկերակներում կալցիումի բարձր մակարդակը կապված է ապագայում ծանր սրտային անբարարության զարգացման մեծ հավանականության հետ: Այս մասին նշված է նոր հետազոտության մեջ, որը հրապարակվել է Circulation: Cardiovascular Imaging ամսագրում:

Հետազոտությանը մասնակցել է երիտասարդ եւ միջին տարիքի 2449 կամավոր: Մասնագետները տոմոգրաֆիական սքանավորման միջոցով գնահատել են այս մարդկանց արյունատար անոթների վիճակը՝ ներառյալ կորոնար զարկերակներում կալցինացված վահանիկների կուտակման մակարդակը: Այդ վահանիկները ոչ միայն կալցիում են պարունակում, այլեւ ճարպ եւ խոլեստերին՝ նպաստելով անոթների նեղացմանը եւ արյան հոսքի նվազմանը:

Գիտնականները վահանիկների կուտակման (САС) ցուցանիշը գնահատել են հետազոտության 15-րդ եւ 25-րդ տարում, երբ մասնակիցների միջին տարիքն արդեն 50-ի է հասել: Ընդ որում՝ մեկ տասնամյակում զրոյական САС-ով կամավորների թիվը 5 տոկոսով նվազել է: Իսկ կալցինացված վահանիկների մակարդակի մեծացումը համահարաբերակցվել է տարիքի, սիստոլիկ զարկերակային ճնշման մեծացման, խոլեստերինի պարունակության, շաքարային դիաբետի առկայության եւ ծխելու հետ:

Գիտնականները նաեւ պարզել են, որ բարձր САС-ի դեպքում դիտվում է ձախ փորոքի հաստացում եւ չափերի մեծացում՝ անկախ այլ գործոններից: Այսպիսի փոփոխությունները հանգեցնում են սրտի ավելի ինտենսիվ աշխատանքին, որպեսզի արյուն ատամղի, եւ մեծանում է կյանքի համար վտանգավոր սրտային անբավարարության հավանականությունը:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է