• Latest news

Հանրային վայրերում ծխելու արգելքը Հայաստանում ուժի մեջ կմտնի 2022 թվականին

11 հոկտեմբերի, 2019  15:23

Հայաստանի խորհրդարանը շուտով կքննարկի «Առողջությանը ծխախոտի արտադրանքի եւ դրա այլընտրանքների հասցրած վնասի նվազեցման եւ կանխման մասին» օրինագիծը, որն արդեն արժանացել է կառավարության հավանությանը։ Բայց օրենքի ընդունումից հետո ծխելու արգելքը փակ հանրային վայրերում ուժի մեջ կմտնի 2022 թվականին, իսկ ծխելու արգելքը կիսափակ վայրերում՝ 2024 թվականին։ Այս մասին լրագրողներին ասել է Հայաստանի առողջապահության նախարարության հանրային առողջության բաժնի գլխավոր կազմակերպիչ Մարիամ Մնացականյանը։

Մինչ այդ, մասնագետի խոսքով՝ անհրաժեշտ կլինի մշակել եւ ընդունել մի շարք այլ փաստաթղթեր, այդ թվում ենթաօրենսդրական ակտեր, որոնք կապահովեն նոր օրենքի ճիշտ աշխատանքը։ Բացի այդ,  ռեստորանների եւ այլ հաստատությունների ղեկավարները ժամանակ կունենան փոխելու աշխատաոճը եւ արգելելու ծխելն իրենց հաստատություններում։

Նշենք, որ որոշ վայրերում ծխելու արգելքը, այդ թվում՝ հանրային տրանսպորտի ղեկին, ինչպես նաեւ որոշ մշակութային, առողջապահական եւ այլ հաստատություններում, կա նաեւ այսօր՝ համաձայն գործող օրենքի, բայց շատ դեպքերում այն չի գործում։ Հենց այդ պատճառով, ըստ մասնագետների, այդքան կարեւոր է ճիշտ պատրաստվել նոր օրենքի ընդունմանը եւ անել անհրաժեշտ ամեն բան, որպեսզի ընդունումից հետո այն աշխատի եւ կատարվի։

Հիշեցնենք, որ Հայաստանում այսօրվա դրությամբ ծխելը լայնորեն տարածված է, տարածված են նաեւ դրա հետ կապված հիվանդությունները։ Երկու խնդիրներն էլ լրջորեն ազդում եմ երկրի սոցիալ-տնտեսական վիճակի վրա։

Համաձայն STEPS հետազոտության, որն անցկացվել է Հայաստանում 2016-2017 թվականներին.

  • Հայաստանի բնակչության 28 տոկոսը ծխում է ամեն օր;
  • չափահաս տղամարդկանց 52 տոկոսը եւ կանանց 2 տոկոսը կանոնավոր է ծխում,
  • յուրաքանչյուր չորրորդ 17-ամյա պատանին ծխում է,
  • հղի կանանց ավելի քան 70 տոկոսն ամեն օր ենթարկվում է ծխախոտի ծխի ազդեցությանը։

Հանրային վայրերում ծխելն արգելող օրենքը կարող է նկատելիորեն բարելավել իրավիճակը երկրում՝ ոչ վարակիչ հիվանդությունների հետ կապված, եւ երկարաժամկետ հեռանկարի համար  փրկել շատ կյանքեր։

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է