• Latest news

Այս սեզոնին Հայաստանում կկիրառվի գրիպի դեմ քառավալենտ պատվաստանյութ

20 հոկտեմբերի, 2019  16:49

Այս սեզոնում Հայաստանում կկիրառվի գրիպի դեմ քառավալենտ պատվաստանյութ. նախկինում կիրառվել են միայն եռավալենտ պատվաստանյութեր: Ակնկալվում է, որ նոր պատվաստանյութի 160 000 չափաբաժին երկրում կլինի արդեն հոկտեմբերի վերջում: Այդ մասին NEWS.am Medicine-ի թղթակցին հայտնել է ՀՀ առողջապահության նախարարության իմունիզացիայի ծրագրի ղեկավար Գայանե Սահակյանը:

Այս սեզոնում պատվաստանյութը կպաշտպանի գրիպի հետեւյալ տեսակներից.

  • А/Brisbane/02/2018 (H1N1) pdm-ի նման վիրուս;
  • А/Kansas/14/2017 (H3N2)-ի նման վիրուս;
  • В/Colorado/06/2017 (ուղղություն В/Victoria/2/87) խմբի վիրուս;
  • B/Phuket/3073/2013 (ուղղություն B/Yamagata/16/88) վիրուս:

Պատվաստանյութը նախատեսված է նախ ռիսկի խմբի մարդկանց համար, որոնք են հղի կանայք, 6 ամսականից մինչեւ 5 տարեկան երեխաները, 65 տարեկանից բարձր կանայք, քրոնիկ հիվանդություններ ունեցող մարդիկ, բուժաշխատողները, փակ հաստատություններում գտնվող մարդիկ (հատուկ կրթական հաստատություններ, բանտեր, բանակ եւ այլն), ինչպես նաեւ այդ մարդկանց հետ աշխատող անձնակազմ:

Մասնագետի խոսքով՝ ռիսկի խմբերում գրիպով հիվանդանալու ցուցանիշներն արդյունավետորեն նվազեցնելու համար անհրաժեշտ է, որ մարդկանց գոնե 50 տոկոսը պատվաստվի:

Անցած տարիների տվյալներով՝ Հայաստանում մեծամասամբ պատվաստվել էին բուժաշխատողներն ու փակ հաստատությունների (հատկապես բանակի) աշխատակիցները, եւ այդ պատվաստման արդյունավետությունն ակնհայտ էր. գրիպի բռնկումներ չեն նկատվել ո′չ բուժաշխատողների, ոչ զինծառայողների շրջանում:

Ինչ վերաբերում է հղիներին, ապա նրանց արդեն 3 տարիք է, ինչ առաջարկվում է գրիպի դեմ պատվաստվել: Առաջին տարվա ընթացքում միայն 7 հղի է պատվաստվել, հաջորդ տարի՝ 120, իսկ 2018 թվականին՝ արդեն 180:

«Դա, իհարկե, փոքր թիվ է, սակայն մարդկանց մենթալիտետը փոխվում է, եւ դա արդեն լավ է», - նշել է մասնագետը:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է