• Latest news

Իսպանիայում COVID-19-ի դեմ պայքարի պատասխանատու Ֆերնանդո Սիմոնը կորոնավիրուսով է վարակվել

30 մարտի, 2020  17:24

Իսպանացի հայտնի համաճարակաբան, Իսպանիայի առողջապահության նախարարության բժշկական նախազգուշացումների եւ արտակարգ իրավիճակների համակարգման կենտրոնի տնօրեն Ֆերնանդո Սիմոնը կորոնավիրուսով է վարակվել: Հենց նա էր պատասխանատու Իսպանիայում կորոնավիրուսի համավարակի դեմ պայքարի կազմակերպման համար:

Առողջապահության, սոցծառայությունների եւ հավասարության նախարարության ներկայացուցիչ Մարիա Խոսե Սիերան հայտնել է, որ Ֆերնանդո Սիմոնը կորոնավիրուսի թեստ է հանձնել, որի արդյունքները դրական են եղել:

Նրա խոսքով՝ երկրում խիստ սահմանափակումների ներդրումը արդեն արդյունքներ է տալիս. մինչեւ մարտի 25-ը վարակման նոր դեպքերի աճը կազմել է 20 տոկոս, իսկ հիմա օրական՝ 12 տոկոս:

Հիշեցնենք, որ մարտըի 30-ի դրությամբ Իսպանիայում գրանցվել է կորոնավիրուսով վարակման 85 195 դեպք. սա արդեն ավելի շատ է, քան Չինաստանում: Իսկ զոհերի թիվը հասել է 7340-ի. աշխարհում երկրորդ տեղն է Իտալիայից հետո:

Հիշեցնենք նաեւ, որ հիմա Իսպանիայում գործում է արտակարգ դրություն. երկրի բնակիչները կարող են տանից դուրս գալ միայն ծայրահեղ անհրաժեշտության դեպքում՝ մթերքներ, դեղեր գնելու, հիվանդանոց հասնելու համար: Կառավարությունը որոշել է դադարեցնել կենսական անհրաժեշտության հետ չկապված ամբողջ գործունեությունը:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Վստահու՞մ եք արդյոք ժողովրդական բժշկությանը։
Այո, գրեթե միշտ ժողովրդական բժշկությանն եմ դիմում։
Որոշ ճիշտ բաներ ժողովրդական բժշկության մեջ երեւի կան։
Ոչ, միայն գիտահեն բժշկությանն եմ վստահում։