• Latest news

Որքա՞ն երկար են կորոնավիրուսի դեմ հակամարմիններն օրգանիզմում պահպանվում

15 ապրիլի, 2020  17:17

Առայժմ հայտնի չէ, թե մարդու օրգանիզմում որքան երկար են պահպանվում COVID-19 հիվանդություն առաջացնող նոր կորոնավիրուսի դեմ հակամարմինները: Սակայն մի քանի այլ կորոնավիրուսների դեմ հակամարմինները պահպանվում են միայն մոտ 3 ամիս, որը լրանալուց հետո հնարավոր է կրկին վարակվել: Այս մասին «ՌԻԱ Նովոստի»-ին հայտնել է Արյունաբանության ազգային բժշկական հետազոտական կենտրոնի փոխպատվաստման իմունաբանության լաբորատորիայի ղեկավար Գրիգորի Եֆիմովը (Ռուսաստան):

«Դրանք սովորական ՍՇՎ-ի հարուցիչներն են: Մեզ հետ են միլիոնավոր տարիներ, հարմարվել են մեզ, սովորել են խուսափել իմունային պատասխանից: Իսկ նոր կորոնավիրուսը (SARS-CoV-2) նոր է ներխուժել մարդկային պոպուլյացիայի մեջ: Հասկանալի չէ, թե իրեն ինչպես կպահի»,- ասել է նա:

Նրա խոսքով՝ դեռեւս բավարար տվյալներ չկան միանշանակ եզրահանգումներ կատարելու այն մասին, թե հիվանդությունից ապաքինված մարդու օրգանիզմում որքան երկար է պահպանվում COVID-19-ի դեմ իմունիտետը. առայժմ «չափազանց քիչ ժամանակ է անցել առաջին պացիենտների ապաքինվելուց հետո»:

«Բայց մենք կարող ենք հենվել SARS-CoV-ի վերաբերյալ տվյալների վրա, որի գենոմը զգալիորեն համընկնում է նոր կորոնավիրուսի ՌՆԹ-ին: Դրա միջոցով մենք գիտենք, որ հակամարմինները բավականին մեծ խտությամբ արյան մեջ պահպանվում են 1-2 տարի: Միանգամայն հնարավոր է, որ այդպես կլինի նաեւ SARS-CoV-2-ի դեպքում»,- կարծիք է հայտնել գիտնականը:

Իսկ ահա Politico պարբերականի հարցմանը մասնակցած մասնագետները պնդում են, որ եթե անգամ մարդու մոտ հայտնաբերվել են SARS-CoV-2 կորոնավիրուսի դեմ հակամարմիններ, դա լիակատար պաշտպանություն չի երաշխավորում:

Այսօր մասնագետներից շատերը մեծ հույսեր են կապում այն հանգամանքի հետ, որ կարանտինային միջոցառումները կարելի է մեղմել, երբ բնակչության մեծ մասի մոտ նոր կորոնավիրուսի դեմ հակամարմիններ ստեղծվեն: Սակայն կարծիք կա, որ մարդու մոտ հակամարմինների առկայությունը դեռեւս չի նշանակում, որ նա կորոնավիրուսային ինֆեկցիայով չի վարակվի:

«Հնարավոր է, որ մարդկանց մոտ արդեն մշակվում է իմունիտետ, սակայն դա դեռեւս ենթադրություն է»,- հայտարարել է ամերիկյան «Հանրային առողջապահության լաբորատորիայի» (Association of Public Health Laboratories) ինֆեկցիոն հիվանդությունների հարցերով տնօրեն Քելլի Վրոբլեւսկին:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է