Աշխարհի ավելի քան 170 երկիր դարձել է միջազգային COVAX նախաձեռնության մասնակից («Քովաքս»), որի նպատակն է բոլոր երկրներին արդարացիորեն ապահովել կորոնավիրուսի դեմ պատվաստանյութերով: Այս մասին հայտարարել է Առողջապահության համաշխարհային կազմակերպության (ԱՀԿ) գլխավոր տնօրեն Թեդրոս Ադան Գեբրեյեսուսը, փոխանցում է The Daily Mail-ը:
ԱՀԿ-ն ավելի վաղ հայտնել էր, որ 92 ցածր եկամուտ ունեցող երկիր COVAX-ի օգնությունն է փնտրել, իսկ բարձր եկամուտ ունեցող 80 երկիր եւս հետաքրքրված է, սակայն դրանցից շատերը մինչեւ վերջնաժամկետը դեռ պետք է հաստատեն իրենց մասնակցությունը նախաձեռնությանը:
COVAX-ը ԱՀԿ-ի եւ GAVI-ի նախաձեռնությունն է, որի նպատակն է մինչեւ 2021 թվականի ավարտը մարդկանց վրա փորձարկումներ անցած կորոնավիրուսի պատվաստանյութերի 2 միլիարդ չափաբաժին արտադրել եւ մատակարարել:
Սակայն որոշ երկրներ, օրինակ` Միացյալ Նահանգները, չեն միացել նախաձեռնությանը, քանի որ ապահովել են պատվաստանյութերի իրենց սեփական մատակարարումները` երկկողմ համաձայնագրերի միջոցով:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր