Ինչու՞ է կարեւոր շրթունքները պաշտպանել արեւի ճառագայթներից

Շրթունքների մաշկը նույնքան խոցելի է արեւի ճառագայթների նկատմամբ, որքան մարմնի այլ հատվածների մաշկը՝ այն եւս կարող է այրվել, ավելին՝ կարող է մաշկի քաղցկեղ առաջանալ:

Շրթունքների այրվածքների ախտանիշներ են.

• շրթունքների կարմրություն, այտուցվածություն,
• շրթունքների մաշկի բարակության եւ խոցելիության զգացողություն,
• ցավոտ զգացողություններ,
• բշտիկներ շրթունքներին, որոնք, ի տարբերություն հերպեսի, փոքր բշտիկներ են՝ լցված հեղուկով, այլ ոչ թե թարախով:

Ծանր դեպքերում կարող է այտուցվել լեզուն:

Սովորաբար, շրթունքների արեւայրուքն անցնում է 3-5 օրվա ընթացքում, սակայն եթե մի քանի օր անց ախտանշանները պահպանվում են, խորհուրդ է տրվում դիմել բժշկի:

Շրթունքների մաշկի ավելի արդյունավետ բուժման համար խորհուրդ է տրվում.

• սառը թրջոցներ դնել շուրթերին` օրինակ` սրբիչ,
• օգտագործել գելեր եւ քսուքներ ալոե վերայի էքստրակտով, որն ունի բուժիչ ազդեցություն,
• ոչ մի դեպքում չօգտագործել վազելին եւ նման այլ միջոցներ. արեւայրուքի դեպքում դրանք ջերմությունը պահում են մաշկի վրա,
• ցավը թեթեւացնելու համար կարելի է օգտագործել առանց դեղատոմսի դեղամիջոցներ, ինչպիսիք են իբուպրոֆենը:

Շրթունքների արեւայրուքից խուսափելու համար խորհուրդ է տրվում օգտագործել շրթունքների արեւապաշտպան միջոցներ: Մասնագետները խորհուրդ են տալիս ընտրել SPF 30 մակարդակի բալզամներ, քանի որ դրանք զտում են ուլտրամանուշակագույն ճառագայթման մինչեւ 97 տոկոսը: Սա հատկապես կարեւոր է, եթե մտադիր եք օրն անցկացնել լողափին կամ բացօթյա լողավազանում:

Հետևեք NEWS.am Medicine-ին Facebook-ում և Twitter-ում