ԱՄՆ-ում մտահոգված են հղիների կողմից կանեփի օգտագործման ցավալի հետեւանքների կապակցությամբ

ԱՄՆ-ում մտահոգված են հղիների կողմից կանեփի օգտագործման ցավալի հետեւանքների կապակցությամբ, հաղորդում է JAMA Pediatrics-ը։

Նոր ուսումնասիրությունը, որը զգուշացնում է հղիներին, որոնք կարծում են, որ մարիխուանա ծխելը նորմալ է, կապում է կանեփի նախածննդյան ազդեցությունը սերունդների սոցիալական, էմոցիոնալ եւ վարքային խնդիրների հետ, որոնք կարող են պահպանվել մինչեւ վաղ պատանեկություն (11-12 տարեկան):  

Հետազոտության համար Սենթ Լուիսի Վաշինգտոնի համալսարանի գիտնականները վերլուծել են դեռահասների ճանաչողական զարգացման ընթացիկ ուսումնասիրության տվյալները, որն ընդգրկել է 12000 դեռահասների տվյալներ։

Հետազոտողները նաեւ մեջբերել են ազգային հետազոտության տվյալները, որոնք ցույց են տալիս, որ ԱՄՆ-ում կանեփի օգտագործումը հղի կանանց մոտ գրեթե կրկնապատկվել է՝ 2002 թվականին 3 տոկոսից հասնելով 5,4 տոկոսի 2019 թվականին:

Մոդելավորումն օգտագործվել է երեխաների հոգեախտաբանության հետ կապերը գնահատելու համար: Հետազոտողները խոստովանել են հետազոտության սահմանափակումները, այդ թվում՝ ներարգանդային շրջանում կանեփի ենթարկված սերունդների փոքր թիվը, հղիության ընթացքում կանեփի օգտագործման ժամանակի, հաճախականության եւ ուժի մասին ոչ ճշգրիտ տվյալներ:

Այնուամենայնիվ, նրանք կապ են հայտնաբերել նախածննդյան շրջանում մարիխուանայի ազդեցության եւ 9-10 տարեկան երեխաների վարքային խնդիրների միջեւ:  

Հետևեք NEWS.am Medicine-ին Facebook-ում և Twitter-ում