• Latest news

Ցողունային բջիջների փոխպատվաստման գիտաժողովին կմասնակցեն հանրահայտ եվրոպական գիտնականներ

25 մարտի, 2015  11:37

Երեւանում կայանալիք արյունաբանության եւ ցողունային բջիջների փոխպատվաստման «EHA-ESH 36th Tutorial on Stem Cell Transplantation: Implications and Indications» գիտաժողովին դասախոսություններով հանդես կգան 9 գիտնական Իտալիայից, Իռլանդիայից, Շվեյցարիայից եւ Իսպանիայից: Բոլորն էլ Երոպայում հայտնի գիտնականներ են, բազմաթիվ հրապարակումների եւ հետազոտությունների հեղինակներ: Այս մասին NEWS.am Medicine-ին է հայտնել բժիշկ-արյունաբան Կարեն Մելիքսեթյանը:

Դասախոսությունների գլխավոր թեման են արյան չարորակ հիվանդությունները, սակայն հիմնական ուշադրությունը դարձվելու է ոսկրածուծից ստացվող ցողունային բջիջների փոխպատվաստմանը: Դասախոսությունների ընթացքում գիտնականները կպատմեն այն մասին, թե ինչպես է արվում փոխպատվաստումը, կներկայացնեն դրա հիմնական բարդությունները, ինչպես նաեւ ցողունային բջիջների ստացման գործընթացը: Այս տեղեկատվությունը անչափ կարեւոր է՝ հաշվի առնելով նաեւ այն փաստը, որ շուտով Հայաստանում ցողունային բջիջների փոխպատվաստում են իրականացնելու:

Հիշեցնենք, որ Երեւանի Արյունաբանական կենտրոնին կից շուտով գործելու է ոսկրածուծի փոխպատվաստման կենտրոնը: Շինարարական աշխատանքների ավարտը նախատեսված է 2016 թվականին, սակայն մասնագետները հույս են հայտնում, որ կենտրոնը պատրաստ կլինի ավելի վաղ, որպեսզի ոսկրածուծի փոխպատվաստման անհրաժեշտություն ունեցող մարդիկ (իսկ նրանք մոտավորապես տարեկան հարյուրն են) կարողանան ինչքան հնարավոր է շուտ պատշաճ բուժում ստանալ:

Հիշեցնենք, որ ցողունային բջիջների արյունաբանության եւ փոխպատվաստման «EHA-ESH 36th Tutorial on Stem Cell Transplantation: Implications and Indications դասընթացը» տեղի կունենա Երեւանում մարտի 27-29: Դասընթացի կազմակերպիչներն են Եվրոպական արյունաբանական ասոցիացիան եւ Հայկական արյունաբանական ասոցիացիան:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է