Արմավիրի մարզի Ջրաշեն գյուղից երեքամյա աղջկա մահվան պատճառը դեռեւս հայտնի չէ: Մասնագետները մի քանի վարկած ունեն, սակայն դրանք դեռեւս պետք է հաստատվեն: Այս մասին NEWS.am Medicine-ի թղթակցին հայտնեց ՀՀ ԱՆ Հիվանդությունների վերահսկման եւ կանխարգելման ազգային կենտրոնի տնօրենի տեղակալ Նունե Բակունցը:
Նրա խոսքով՝ մասնագետները կասկածում են, որ աղջիկը աղիքային ինֆեկցիա ուներ, սակայն որ ինֆեկցիան է դա եղել, դեռեւս պարզ չէ: Այս ուղղությամբ արդեն իսկ աշխատանքներ են տարվում, եւ մոտ ապագայում դատաբժշկական փորձաքննությունն ու մի շարք անալիզներ թույլ կտամ պարզել մահվան պատճառը:
Հիշեցնենք, որ երեկ երեկոյան Արմավիրի մարզի Ջրաշեն գյուցից երեքամյա աղջիկը մահացել է Արմավիրի հիվանդանոցի ինֆեկցիոն բաժանմունքում: Դրանից մի քանի ժամ առաջ նրան հիվանդանոց էին տեղափոխել բարձր ջերմության, թուլության, փսխման, լուծի ախտանիշներով: Նրա վիճակը միջին ծանրության է, իսկ ախտանիշները խոսում էին սուր աղիքային վարակի մասին:
Աղջիկը համապատասխան բուժում էր ստանում, սակայն երեկոյան նրա վիճակը կտրուկ վատացել է, նա տեղափոխվել է վերակենդանացման բաժանմունք, սակայն, չնայած գործադրած ջանքերին, փոքրիկին չի հաջողվել փրկել:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր