Հայկական հոգեբուժական ասոցիացիան հոկտեմբերի 1-ից հոկտեմբերի 31-ը հայտարարում է հոգեկան առողջության միամսյակ: Հիշեցնենք, որ հոկտեմբերի 10–ը հոգեկան առողջության համաշխարհային օրն է։
Միամսյակի միջոցառումների ցանկը ներկայացված է կից.
- «Ներառական կրթության ժամանակակից խնդիրներն ու մարտահրավերները» միջազգային գիտագործնական գիտաժողով 1-2.10 կազմակերպիչ՝ Խ.Աբովյանի անվան հայկական պետական մանկավարժական համալսարան
- ՌԵՔԱՎԵՐԻ ՔՈԼԵՋԻ պաշտոնական մեկնարկ՝ «Հոգեկան առողջության պահպանման ուղիները» (Ա.Սողոյան` ՀՀԱ նախագահ) եւ «ՌԵՔԱՎԵՐԻ ՔՈԼԵՋ, ինչ է եւ ում համար» (Լ.Բաղդասարյան` Ռեքավերի քոլեջի ղեկավար) թեմաներով բաց դասախոսություն Ամերիկյան համալսարանի բիզնես կենտրոն 01.10 ժամը 13:30:
- Մամուլի ասուլիս 09.10
- Սոցիալական հոգեբուժության համաշխարհային ասոցիացիայի կողմից ներկայացված առաջարկության համաձայն ՀՀԱՆ հետ համագործակցող հոգեկան առողջության ծառայություններ մատուցող ոչ պետական կազմակերպությունները (Հոգեսոցիալական կարգավորման կենտրոն, «Ինթրա» հոգեկան առողջության կենտրոն, «Մեփլ Լիֆս» հայ կանադական կլինիկա – վերջնական ցուցակը կներկայացվի) հոկտեմբերի 9-ին եւ 12-ին հայտարարում են բաց դռների օրը` խորհրդատվություններըը այդ օրերին կտրամադրվեն անվճար:
- Գիտաժողով Ստեփանակերտում 10.10 (կազմակերպիչներ` ՀՀԱ, ԼՂՀ հոգեբուժական ասոցիացա եւ «Էմպաթիա» հոգեսոցիալական կարգավորման կենտրոն)
- Սեմինար Հոգեսոցիալական կարգավորման կենտրոնում 10.10
- Հոգեկան առողջության պահպանման եւ բարելավման ռազմավարության իրականացման ընթացքի քննարկում
- Սեմինար ԶԼՄ ներկայացուցիչների համար
- Հոկտեմբերի 23-ին Սպիտակում կբացվի ՀՀ ում առաջին հոգեկան խանգարումներ ունեցող անձանց խնամքի տունը (ՀՀ կառավարության կողմից ալտերնատիվ խնամքի ռազմավարության շրջանակներում)
- Հոկտեմբերի 23-25-ը Երեւանի պետական համալսարանի փիլիսոփայության եւ հոգեբանության ֆակուլտետի հետ «Տեսական եւ կիրառական հոգեբանության արդի հիմնախնդիրները» խորագրով 5-րդ միջազգային գիտաժողովին զուգահեռ Համաշխարհային հոգեբուժական ասոցիացիայի հետ համատեղ կանցկացվի «Արժանապատվություն եւ հոգեկան առողջություն» թեմայով Հայկական հոգեբուժական ասոցիացիայի երկամյա գիտաժողովը: Նախատեսվում է նաեւ առանձին սիմպոզիում Առողջապահության համաշխարհային կազմակերպության պատասխանատուների մասնակցությամբ, նվիրված Հայաստանում հոգեկան առողջության ոլորտի բարեփոխումներին:
- ԶԼՄ-ների մոնիտորինգ
- Ամփոփիչ մամուլի ասուլիս
Հետևեք NEWS.am Medicine-ին Facebook-ում և Twitter-ում