Այս սեզոնին գրիպը հատկապես ակտիվ է Եվրոպական տարածաշրջանի հյուսիսում եւ հարավում, եւ А տեսակի գրիպի բոլոր հարուցիչների մոտ 80 տոկոսը բաժին է ընկնում A(H1N1)-ին: Այդ մասին ասված է ԱՀԿ-ի Եվրոպական տարածաշրջանային բյուրոյի հաղորդագրությունում:
Սեզոնային գրիպով կարող է վարակվել բնակչության ընդհուպ մինչեւ 20 տոկոսը` կախված շրջանառվող հարուցիչի տեսակից, ասված է ԱՀԿ հաղորդագրության մեջ:
«Գրիպի հարուցիչի առաջ բերած հիվանդության դժվար բուժման ռիսկի խմբում են հղի կանայք, փոքր տարիքի երեխաներ եւ տարեցները, ինչպես նաեւ ցածր իմունիտետով եւ խրոնիկական վիճակներով մարդիկ: Այդ խմբերը կազմում են ԱՀԿ-ի Եվրոպական տարածաշրջանի ամբողջ բնակչության զգալի մասը: «Annual public health and economic benefits of seasonal influenza vaccination: a European estimate» («Ամենամյա պատվաստման առավելություններ. Եվրոպական տարածաշրջանի գնահատականներ») վերնագրով փաստաթղթում BMC Public Health-ի հրապարակած տվյալների համաձայն, 2014-ին միայն Եվրոպական միությունում այդ անձինք կազմում են բնակչության 36 տոկոսը (մոտավորապես 180 մլն մարդ)», - ասվում է հաղորդագրության մեջ:
ԱՀԿ-ն սեզոնային գրիպի դեմ պատվաստում է խորհուրդ տալիս բոլոր անձանց, ովքեր մտնում են հիվանդության ծանր բուժման ռիսկի խմբի մեջ, ինչպես նաեւ առողջապահության համակարգի աշխատողներին: Մասնագետները հիշեցնում են, որ սեզոնային գրիպի պատվաստանյութի մեջ մտնում են A(H3N2) եւ A(H1N1) հարուցիչներ, ինչպես նաեւ B գրիպի հարուցիչ:
«Առողջապահության աշխատողները պիտի հատուկ ուշադրություն դարձնեն երիտասարդ եւ ընդհանուր առմամբ առողջ մարդկանց մոտ «ծանր գրիպ» ախտորոշման հավանականությանը եւ համապատասխան օգնություն տրամադրեն», - խորհուրդ են տալիս ԱՀԿ-ի մասնագետները:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր