Ամերիկյան Սննդամթերքի եւ դեղամիջոցների վերահսկողության վարչությունը   (Food and Drug Administration) հավանություն է տվել Micra Transcatheter Pacing System-ի փոքրիկ անթել խթանիչների օգտագործմանը, որոնք մշակվել են   Medtronic ընկերության կողմից:

Սարքը տասն անգամ փոքր է սրտի ռիթմի սովորական խթանիչներից, ինչպես նաեւ զուրկ է հաղորդալարերից, որոնք նման սարքերի լուրջ թերություն էին համարվում: Նոր խթանիչները, որոնց չափը չի գերազանցում  2,5 սմ-ն, արդեն փորձարկվել են բրիտանացի եւ անգլիացի հիվանդների վրա:  

Հաղորդալարերի բացակայությունը բացառում է դրանց վնասման  հետեւանքով սարքի փոփոխման անհրաժեշտությունը: Բացի այդ, անթել սարքի օգտագործումը նվազեցնում է վարակման զարգացման ռիսկը, իսկ նոր սարքին հիվանդի ադապտացիան անհամեմատ ավելի պարզ եւ հեշտ է տեղի ունենում:  

Սրտախթանիչը տեղադրվում է անմիջապես սրտի խոռոչում, դրա տեղադրման համար վիրահատության կարիք չկա, սարքը կարող է ներմուծվել աճուկի շրջանում ձողախողովակի միջոցով: