Հարվարդի բժշկական դպրոցի գիտնականները (Harvard Medical School) նոր կոմպակտ սարք են մշակել, որը կօգնի արագ ի հայտ բերել հիվանդանոցային  այն վարակները, որոնք ամենից դժվար են բուժվում: 

Հիվանդանոցային վարակները վնասում են ամեն տասնհինգ հիվանդից մեկին: Դրանք բուժելը հեշտ չէ. դրանք առաջացնող շտամմները որպես կանոն կայուն են հակաբիոտիկների հանդեպ:  Հիվանդանոցային վարակներով, օրինակ` ոսկեգույն ստաֆիլակոկի մետիցիլլինի նկատմամբ կայուն շտամմով վարակումը հաճախ կործանարար է լինում հիվանդի համար: 

Հակլո Լին (Hakho Lee) բացատրում է, որ որքան ավելի վաղ է հայտնաբերվում վարակը, այնքան բուժումն ավելի արդյունավետ է լինում: Ստանդարտ թեստերի արդյունքների ստացման համար սովորաբար  3-5 օր է պահանջվում:  Այդ ժամանակահատվածում վարակը հասցնում է տարածվել օրգանիզմում: 

Հետազոտողներին հաջողվել է արդյունավետ թեստ մշակել վնասկար հարուցիչների արագ հայտնաբերման համար. արդյունքը կարելի է ստանալ անալիզի անցկացումից արդեն երկու ժամ անց: Սարքը թույլ է տալիս ի հայտ բերել հինգ պաթոգեն միկրոօրգանիզմ` Staphylococcus aureus, Escherichia coli, Klebsiella pneumoniae, Acinetobacter baumanniiи Pseudomonas aeruginosa.

Մանրէների ճանաչման համար դրանք աճեցնելու կարիք չկա. բավարար է դրանց ներկայությունը եզակի մանրէական բջիջների անալիզի ենթարկվող լուծույթում:   Սարքը փորձարկվել է ինը հիվանդի վրա. արագ թեստը նույնպիսի արդյունքներ է տվել, ինչ պաթոգենների հայտնաբերման ստանդարտ մեթոդները: 

Գիտնականները բացատրում են, որ նոր թեստն ի վիճակի է հայտնաբերել հայտնաբերված շտամմների դեղային կայունությունը. դա թույլ կտա խուսափել ոչ արդյունավետ դեղամիջոցների նշանակումից: