Վերջերս մենք հաճախ ենք լսում կանանց մասին, որոնք միայն ծննդաբերության ընթացքում են իմացել, որ հղի են: Ոմանք կասկածում են այդ պատմությունների ճշմարտացիությանը, սակայն Հելեն Չեյն անունով մանկաբարձը  Royal College of Midwives-ից բացատրել է, թե ինչպես եւ ինչ իրավիճակներում կինը կարող է բազմաթիվ ամիսների ընթացքում գլխի չընկնել, որ հղի է:  

Գիտնականների խոսքով, այդ երեւույթն այնքան էլ հազվագյուտ չէ. աշխարհում ամեն   2500 հղիությունից մեկը կնոջ համար աննկատ է անցնում եւ ապագա մայրն իր հղիության մասին իմանում է միայն ծննդաբերության ժամանակ: Ամբողջ հարցն այն է, որ այդ կանայք, որպես կանոն, չեն բախվում հղիության առաջնային ախտանիշների: 

Սովորաբար, օրինակ, հղիության ընթացքում ամսականներ չեն լինում: Բայց կան շատ այլ պատճառներ, որոնց հետեւանքով կանանց մոտ կարող է անհետանալ կանոնավոր դաշտանը (ներառյալ բժշկական խանգարումները եւ այնպիսի գործոններ, ինչպիսին է վատ սնունդը, ինչպես նաեւ սթրեսը): Դաշտանադադարին մոտեցող կանայք բախվում են նաեւ դաշնային ցիկլի խանգարումների: Կնոջ մոտ ամսականների բացակայությունը կարող են փորձել բացատրել այլ խնդիրներով եւ հորմոնային խանգարումներով:  

Բացի այդ, որոշ հղիությունների ժամանակ դիտարկվում են արյունահոսություններ, որոնք շատ հիշեցնում են դաշտանը: 

Հղիության եւս մի տարածված «ախտանիշ» է համարվում քաշի ավելացումը: Ապագա մայրիկը միջինը գիրանում է 12,5 կգ-ով, սակայն այդ թիվը պայմանական է եւ տարբեր կանանց մոտ տարբեր կարող է լինել: Բնական է, որ ցանկացած մարդու մոտ քաշի ավելացումը բացատրվում է բոլորովին էլ ոչ հղիությամբ, այլ նախ եւ առաջ սխալ սննդով:  Խիստ սննդակարգի հետեւող կանայք դիտավորյալ կամ պատահաբար շատ քիչ են գիրանում հղիության ընթացքում, իսկ այդ  ավելորդ քաշը նրանք չեն կապում  հղիության հնարավորության հետ, այլ սննդակարգում ձախողում են համարում:   

Կան եւ այլ գործոններ այսպես կոչված անտեսանելի հղիության: Այն հաճախ դիտարկվում  է այն կանանց մոտ, որոնք տառապում են որեւէ հոգեկան խանգարումից եւ բավարար ուշադրություն չեն հատկացնում իրենց արտաքին տեսքին: 

Գիտնականների խոսքով, «աննկատ» հղիությունից հետո ծննդաբերությունը ծանր փորձություն է դառնում ապագա մայիիկի համար, որը չէր հասցրել հոգեբանորեն նախապատրաստվել երեխայի լույս աշխարհ գալուն: