Առաջին անհրաժեշտության դեղերն ԱԱՀ-ից ազատելը սոցիալական խնդիրների լուծման չի հանգեցնի: Այդ մասին հայտնել է Հայաստանի ֆինանսների առաջին փոխնախարար Պավել Սաֆարյանը, ներկայացնելով «Բարգավաճ Հայաստան» խմբակցության պատգամավորներ Էլինար Վարդանյանի, Վահե Հովհաննիսյանի եւ Ստեփան Մարգարյանի օրինագծի վերաբերյալ եզրակացությունը:  

Պատգամավորներն առաջարկել են ԱԱՀ-ից ազատել ամենատարածված հիվանդությունների դեմ դեղամիջոցները, որոնք ներառված են հանրապետության հիմնական դեղամիջոցների ցանկում: 

Այնուամենայնիվ, Ֆինանսների նախարարությունը վստահ չէ, որ գները դրանից կիջնեն: Ավելին, ԱԱՀ-ի արտոնությունների կիրառության նախորդ տարվա փորձը ցույց է տվել, որ ընկերությունները հաճախ չեն նվազեցնում գները, ընդամենը ավելացնում են իրենց շահույթը, հատկապես եթե զբաղվում են առաջին անհրաժեշտության ապրանքների առեւտրով  (հացի, դեղամիջոցների եւ այլն), որոնք սպառողները ստիպված են գնել ցանկացած գնով: