նախընտրելի դարձնել
ԱՄՆ-ից երկվորյակ քույրեր Սառա Մարիուսը եւ Լի Ռոջերսը ծննդաբերել են նույն օրը եւ նույն ժամին, բայց տարբեր քաղաքներում, հայտնում է People-ը:
35-ամյա ամերիկուհիները հունիսի 30-ին առաջնեկների են ունեցել: Մարիուսը գտնվել է Դենվերի կլինիկայում (Կոլորադոյի նահանգ), իսկ Ռոջերսը` Լա-Հոլիայի կլինիկայում (Կալիֆորնիայի նահանգ): Երեխաները լույս աշխարհ են եկել մեկ ժամվա տարբերությամբ, բայց քաղաքների միջեւ ժամային տարբերության պատճառով ստացվել է, որ երեխաները նույն ժամին են ծնվել` 1.18-ին:
Մարիուսը որդի է ունեցել` Ռիդ Ջոզեֆին, իսկ Ռոջերսը` աղջիկ` Սամանտա Լիննին:
Մարիուսը հայտնել է, որ ինքն ու քույրը պլանավորել էին հղիանալ նույն ժամանակ: Միաժամանակ նա նշել է, որ երկվորյակների միջեւ առանձնահատուկ կապ կա, որը դժվար է բացատրել:
«Արկածները միայն շարունակվելու են, որովհետեւ մեր երեխաների ծննդյան օրը նույնն է, ինչպես եւ մերը», – հայտնել է Ռոջերսը:
