Փոքր կամ ոչ բավարար քաշով ծնված աղջիկների դեպքում երկու անգամ ավելի հաճախ են հասուն տարիքում պտղաբերության հետ կապված խնդիրներ առաջանում, քան նորմալ քաշով ծնվածների շրջանում: Այսպիսի եզրահանգման են եկել շվեդ գիտնականները: Բժշկության զարգացման շնորհիվ անբավարար քաշով ծնված փոքրիկների ողջ մնալու հավանականությունը մեծանում է, ինչը հանգեցնում է անպտղության տարածվելուն: 1293 կնոջ հետազոտելուց հետո պարզվել է, որ, նրանց մոտ 4%-ը ժամանակից շուտ է ծնվել եւ մոտ 4%-ի քաշը ծնվելիս անբավարար է եղել: Կանանց մոտ 6%-ի քաշն ավելի քիչ է եղել, քան նախքան ծննդաբերությունը սպասել են բժիշկները:

Գիտնականների ստացած արդյունքները ցույց են տալիս, որ անբավարար քաշով ծնված կանանց շրջանում անպտղությունը 2,5 անգամ ավելի հաճախ է հանդիպում, քան այն կանանց դեպքում, որոնց անպտղությունը պայմանավորված է տղամարդու գործոնով կամ պատճառը պարզ չէ: Հետազոտողները նաեւ նշել են, որ հասուն տարիքում կնոջ ավելորդ քաշը հնարավոր անպտղության գործոն է:

Հետազոտության արդյունքները հրապարակված են BMJ Open ամսագրում, հայտնում է Fox News-ը:

Մոր արգանդում պտղի աճի սահմանափակումը կարող է ազդել երեխայի վերարտադրողական օրգանների վրա: Նախորդ հետազոտություններն արդեն ձվազատման պարբերականության անկումը կապել են ապագայում պտղի աճի հետաձգվելու հետ: Չնայած հետազոտությունը Շվեդիայում է կատարվել՝ մասնագետները վստահ են, որ ստացված տվյալները կիրառելի են այլ վայրերի դեպքում եւս: