Ֆլորիդայում եւս մի շրջան է հայտնաբերվել, որտեղ վիրուս են տարածում Զիկա մոծակները, հայտնում է նահանգի առողջապահական վարչության պաշտոնական կայքը: Խոսքը Մայամի-Դեյդ օկրուգի շրջանի մասին է, սակայն նրա ճշգրիտ կոորդինատները չեն նշվում: 

Շրջանային վարչությունը նաեւ հաղորդել է, որ Զիկա վիրուսով հիվանդացման պաշտոնապես հաստատված   «տեղական» դեպքերի թիվն ամերիկյան Ֆլորիդա նահանգում հասել է 28-ի:

«Երեք նոր դեպք (Զիկայով հիվանդացման), որոնք կապված չեն ուղեւորությունների հետ, այսօր հայտնաբերվել է Մայամի-Դեյդ օկրուգում», — ասված է տեսչության հաղորդագրության մեջ: Նշվում է նաեւ, որ հիվանդներից երկուսի վարակումը տեղի է ունեցել մոտավորապես  2,5 քկմ տարածքում:

Զիկայով վարակումների Ֆլորիդա բերված դեպքերի թիվը վերջին տվյալների համաձայն, ավելացել է մինչեւ   413 մարդ, ուրբաթ հայտնի է դարձել 10 նոր դեպքի մասին, որոնց թվում մի հղի կին կա:

Նահանգի նահանգապետի հրահանգով Ֆլորիդայում վիրուսի առկայության անվճար անալիզ կարող է անցնել յուրաքանչյուր կին: Ընդհանուր առմամբ Ֆլորիդայում մինչեւ վերջերս վիրուսի առկայության անալիզ է հանձնել ավելի քան  3,3 հազար մարդ:

Ընդհանուր առմամբ ԱՄՆ-ում Զիկա վիրուսով վարակման արդեն ավելի քան  1,6 հազար դեպք է գրանցվել, հիվանդության «տեղական» դեպքեր առայժմ ի հայտ են բերվել միայն Մայամիում` Ֆլորիդայում: