նախընտրելի դարձնել
Մաշկի սպիտակեցումը կարող է վնասակար լինել մարդու առողջության համար, հայտնել են Մեծ Բրիտանիայից բժիշկները:
Այդ հարցի վերջին հետազոտությունները ցույց են տվել, որ մարդու առողջության վրա վնասակար ազդեցություն կարող է ունենալ մաշկի սպիտակեցումը գլուտատիոնի օգնությամբ, ընդ որում վնասը հասցվում է անկախ այն բանից, թե այդ նյութը սննդի մեջ է ներառվում, թե ներերակային ներարկում է արվում, հայտնում է The BMJ պարբերականը:
Հիշեցնենք, որ այդ նյութը հակաօքսիդանտ է եւ մտնում է մաշկը սպիտակեցնող դեղամիջոցների կազմի մեջ: Նման դեղամիջոցները որոշ դեպքերում ընդունվում են հաբերի տեսքով, երբեմն էլ` ներերակային ներարկմամբ: Դրանք ակտիվորեն օգտագործում են գեղեցության ինդուստրիայում, ամենից հաճախ` հատուկ սրահներում, որոնք, սակայն, բժշկական արտոնագիր չունեն:
Գիտնականներն ասում են, որ այդ դեղամիջոցների օգտագործումն առանց վերահսկողության, երբ դրանք ներարկում է բժշկական կրթություն չունեցող մարդ, ծանր հետեւանքների է հանգեցնում, հատկապես եթե նյութի չափաբաժինն ընտրելիս սխալ է թույլ տրվում:
Արդյունքում կարող է նյարդային համակարգի վնասում տեղի ունենալ, երիկամների եւ լյարդի այտուցում, տոքսիկ էպիդերմալ նեկրոլիզ եւ քաղցկեղ:
Դեղամիջոցի ներերակային ներարկման դեպքում եւս մեծանում են ՄԻԱՎ-ով, հեպատիտ С-ով եւ В-ով հիվանդանալու ռիսկերը:
