Դեպրեսիան ոչ միայն տրամադրության եւ ուժերի անկումն է, դեպրեսիան մի շարք ֆիզիոլոգիական ախտանիշներ ունի, որոնց մասին քչերը գիտեն: 

1. Միգրեն

2004 թվին Journal of Pain ամսագրում հրապարակված հետազոտությունը ցույց է տվել, որ հստակ կապ գոյություն ունի միգրենի եւ դեպրեսիայի միջեւ: Ուժեղ գլխացավի պատճառը կարող է դեպրեսիան լինել: 

2. Ստամոքսի հետ կապված խնդիրներ

Դեպրեսիայով տառապող հիվանդները հաճախ բողոքում են ստամոքսի հետ կապված խնդիրներից` փորլուծությունից կամ փորկապությունից:   Բացի այդ, դեպրեսիայով շատ հիվանդներ կարող են բախվել փքվածության եւ նույնիսկ գրգռված աղիների համախտանիշի:  

3. Հոդացավեր

Հոդերում խրոնիկական հիվանդությունները եւս կարող են դեպրեսիայի ախտանիշներ լինել, այդ պատճառով, եթե ձեզ տանջում են հոդերի ցավերը, իսկ սովորական բուժումը չի օգնում, գուցե արժե հոգեբանի հետ խորհրդակցել: 

4. Ցավեր կրծքավանդակում

Վերջին տարիների ընթացքում միանգամից մի քանի հետազոտություն է դեպրեսիան կապել սրտանոթային հիվանդությունների հետ:  Կրծքավանդակում ցավերից տառապող մարդկանց մոտ դեպքերի   42 տոկոսում տագնապալի իրավիճակի դեպքեր են հայտնաբերել, իսկ դեպքերի   31 տոկոսում` դեպրեսիայի ախտանիշներ: 

5. Թիկունքում ցավեր

Մի քանի հետազոտություն կապ է տեսել դեպրեսիայի եւ թիկունքի խրոնիկական ցավերի միջեւ: Միաժամանակ չափավոր դեպրեսիայով մարդիկ, որպես կանոն, չեն բախվում նման հիվանդությունների. դրանք ավելի շատ տարածված են ընդարձակ կամ կլինիկական դեպրեսիայով մարդկանց մոտ: 

6. Հոգնածություն եւ ուժերի պակաս

Դեպրեսիայի վիճակում մարդկանց համար բավականին բարդ է  առավոտյան վեր կենալ անկողնուց եւ ինչ-որ բան անել: Նույնիսկ թվում է, թե պարզ առաջադրանքներից հետո հիվանդները ուժերի անկում են զգում եւ հյուծվածություն: Դրանք դեպրեսիայի դասական ֆիզիոլոգիական ախտանիշներ են: