Բելգիայում առաջին անբուժելի հիվանդ երեխան էվթանազիայի է ենթարկվել: Այդ մասին հայտնել է էվթանազիայի դաշնային հանձնաժողովի ղեկավար  Վիմ Դիստելմանսը:  Առանց հրապարակելու մանրամասները` նա նշել է, որ դա   «բացառիկ դեպք» է եղել:

«Իմիջիայլոց, երեխաների թիվը, որոնց առումով դիտարկվում է էվթանազիայի տարբերակը, շատ փոքր է:  Դա չի նշանակում, թե մենք կարող ենք նրանց զրկել կյանքն արժանապատվորեն ավարտելու իրավունքից», — ասել է Դիստելմանսը:

Բելգիան աշխարհում միակ պետությունն է, որտեղ թույլատրվում է բոլոր տարիքի անչափահաս մարդկանց նկատմամբ կյանքի ընդհատման պրակտիկան մահացու հիվանդության առկայության դեպքում: Էվթանազիայի յուրաքանչյուր խնդրանք ուսումնասիրվում է բժիշկների եւ անկախ փորձագետների խմբի կողմից, ընթացակարգն իրականացվում է ծնողների համաձայնությամբ:  

Նիդերլանդներում էվթանազիան թույլատրվում է  12 տարին լրացած երեխաների նկատմամբ, հայտնում է  AFP-ն: 2014 թվականին օրենք է ընդունվել, որը հանում է անչափահասների նկատմամբ այդ ընթացակարգի կիրառության սահմանափակումը: