նախընտրելի դարձնել
Ակադեմիկոս Էմիլ Գաբրիելյանի անվան Դեղերի եւ բժշկական տեխնոլոգիաների փորձագիտական կենտրոնի եւ Պֆայզեր ՀՍՓ Քորպորեյշն ընկերության լիազոր ներկայացուցչի գրությունների հիման վրա` ՀՀ առողջապահության նախարարի հրամանով անվավեր է ճանաչվել հետեւյալ դեղերի գրանցումը Հայաստանի Հանրապետությունում`
1. Սուլպերազոն, ցեֆոպերազոն, սուլբակտամ, դեղափոշի ներարկման լուծույթի, 1000մգ+1000մգ; (1) ապակե սրվակ 2000մգ»,
2. «Զետամաքս Ռետարդ, ազիթրոմիցին (ազիթրոմիցինի դիհիդրատ), դեղափոշի երկարատեւ ձերբազատմամբ, ներքին ընդունման դեղակախույթի, 2000մգ, պլաստիկե սրվակ (1)»:
Ակադեմիկոս Էմիլ Գաբրիելյանի անվան Դեղերի եւ բժշկական տեխնոլոգիաների փորձագիտական կենտրոնի եւ Տակեդա Ավստրիա ԳմբՀ ընկերության հայաստանյան ներկայացուցչության լիազոր ներկայացուցչի գրությունների հիման վրա` ՀՀ առողջապահության նախարարի հրամանով անվավեր է ճանաչվել հետեւյալ դեղերի գրանցումը Հայաստանի Հանրապետությունում`
1. «Ալվեսկո, ցիկլեսոնիդ, ցողացիր շնչառման, դեղաչափավորված, 80մկգ/դեղաչափ, 5մլ (60 դեղաչափ) ալյումինե տարա, 8մլ (120 դեղաչափ) ալյումինե տարա»,
2. «Ալվեսկո, ցիկլեսոնիդ, ցողացիր շնչառման, դեղաչափավորված, 160մկգ/դեղաչափ, 5մլ (60 դեղաչափ) ալյումինե տարա, 8մլ (120 դեղաչափ) ալյումինե տարա»,
3. «Դաքսաս, ռոֆլումիլաստ, դեղահատեր թաղանթապատ, 0,5մգ, բլիստերում (10/1x10/, 30/3x10/, 90/9x10/)»:
Ակադեմիկոս Էմիլ Գաբրիելյանի անվան Դեղերի եւ բժշկական տեխնոլոգիաների փորձագիտական կենտրոնի եւ Ֆ.Հոֆման-Լա Ռոշ ՍՊԸ, Շվեյցարիա ընկերության լիազոր ներկայացուցչի գրությունների հիման վրա` ՀՀ առողջապահության նախարարի հրամանով անվավեր է ճանաչվել «Քսելոդա, կապեցիտաբին, դեղահատեր թաղանթապատ, 500մգ, բլիստերում (120/12x10/)» դեղի գրանցումը Հայաստանի Հանրապետությունում:
Ի դեպ, նույն արտադրողի «Քսելոդա 500մգ» դեղը գրանցված է Հայաստանի Հանրապետությունում եւ առկա է դեղատներում:
Նշենք, որ ՀՀ կառավարության 2001 թվականի ապրիլի 25-ի թիվ 347 որոշման 30-րդ կետի համաձայն` դեղի գրանցումը կարող է անվավեր ճանաչվել եւ շրջանառությունը դադարեցվել արտադրող կազմակերպության դիմումի հիման վրա:
