նախընտրելի դարձնել
Հայտնի է, որ ինֆարկտները և կաթվածները տեղի են ունենում վաղ առավոտյան, ավելի ստույգ՝ 6:30-ի սահմաններում:
Գիտնականներին հաջողվել է բացահայտել այս ֆենոմենի պատճառը, եւ պարզվել է , որ այն կապված է մարդու ներքին ժամացույցի հետ: Նրանց հաջողվել է պարզել, որ արյան այն սպիտակուցների մակարդակը, որոնք դանդաղեցնում են թրոմբերի քայքայումը, հասնում է իր գագաթնակետին առավոտյան 6:30-ին:
Բոսթոնի Brigham and Women's հիվանդանոցի եւ Օրեգոնի առողջապահության ու գիտությունների համալսարանի մի գիտական խումբ, որոշել է ստուգել, թե ինչու են ինֆարկտները եւ կաթվածները գլուխ բարձրացնում հենց առավոտյան: Նրանք 2 շաբաթ շարունակ հետազոտել են 12 չափահաս եւ առողջ մարդկանց արյան սպիտակուցների քանակը:
Հատկապես մանրազննին ուսումնասիրել են օրգանիզմում PAI-1 սպիտակուցի փոփոխությունը, որը դանդաղեցնում է արյան մակարդուկների քայքայումը, ինչն էլ դառնում է ինֆարկտների եւ կաթվածների հիմնական պատճառը:
Հետազոտության արդյունքները հրապարակված են Blood ամսագրում՝ ինչպես հաղորդում է Daily Mail-ը:
Հետազոտությունները ցույց են տվել, որ առավոտյան ժամերին, հատկապես 6:30-ին, PAI-1-ի մակարդակը օրգանիզմում հասնում է մաքսիմումի:
