նախընտրելի դարձնել
Արյան ճնշման ցուցանիշները հիվանդների մոտ կախված են նրանից, թե ով է չափում այն՝ բժի՞շկը թե՞ բուժքույրը: Երբ ճնշումը բժիշկն է չափում, ցուցումները ավելի բարձր են լինում:
Այս երեւույթը բժշկության մեջ հայտնի է որպես «սպիտակ խալաթի էֆեկտ», երբ հիվանդը բժշկի ներկայությունից ավելի նյարդային է դառնում, հաղորդում Webmd.com-ը:
Այս Էֆեկտը նախկինում էլ է հայտնի եղել բժիշկներին, բայց գիտականորեն ապացուցված չի եղել: Այս հետազոտությունը հետեւյալ կապը հաստատող առաջին գիտական ուսումնասիրությունն է:
Հետազոտողները վերլուծել են ավելի քան 1000 մարդու տվյալներ, որոնց ճնշումը մեկ այցելելության ըժամանակ չափել են եւ՛ բժիշկները, եւ՛ բուժքույրերը: Եւ միշտ բժիշկների գրանցած ցուցումները զգալիորեն տարբերվել են բուժքույրերի գրանցած ցուցումներից: Բժիշկների մոտ այդ ցուցումները միշտ բարձր են եղել, ասում են ուսումնասիրության հեղինակները:
British Journal of General Practice ամսագրում հրապարակված հետեւությունները վկայում են, որ արյան ճնշումը չափելու կարգը պետք է փոխել:
«Բժիշկները պետք է շարունակեն չափել արյան ճնշումը պացիենտի վիճակը գնահատելու համար եւ ընթացիկ ստուգում անցկացնելու ժամանակ, բայց ոչ այն դեպքերում, երբ արյան ճնշման բուժման համար կլինիկական որոշումները կախված են արդյունքից», -հաստատում է հետազոտության հեղինակ Քրիստոֆեր Կլարկը՝ Ամերիկայի Էկսետեր համալսարանից:
