ԱՆ–ն հրապարակել է ապահովագրական ընկերությունների հեռախոսահամարները սոցշահառուների համար

Հոկտեմբերի 1-ից ուժի մեջ է մտել սոցփաթեթի շահառուների բժշկական օգնության եւ սպասարկման նոր կարգը։ Այդ նպատակով  ՀՀ առողջապահության նախարարությունը սոցիալական փաթեթի շահառուների համար ձեռք է բերել առողջության ապահովագրության պայմանագրեր:

Ապահովագրության պայմանագրեր կնքվել են Հայաստանում գործող եւ առողջության ապահովագրության ծառայություններ մատուցող բոլոր ապահովագրական ընկերությունների հետ` «ԱՐՄԵՆԻԱ ԻՆՇՈՒՐԱՆՍ», «ԻՆԳՈ ԱՐՄԵՆԻԱ», «ՆԱԻՐԻ ԻՆՇՈՒՐԱՆՍ», «ՌԵՍՈ», «ՌՈՍԳՈՍՍՏՐԱԽ-ԱՐՄԵՆԻԱ», «ՍԻԼ ԻՆՇՈՒՐԱՆՍ»։

Ծրագրին մասնակցող ապահովագրական ընկերություններն իրենց կողմից սպասարկվող շահառուներին ծանուցումներ են ուղարկել տրամադրվող բժշկական ծառայությունների ծավալի, ծառայություններից օգտվելու կարգի, շահառուի իրավունքների եւ պարտավորությունների վերաբերյալ:

Արդյունքում, այսուհետեւ շահառուներն անհրաժեշտ բժշկական ծառայությունները կստանան առանց հերթագրումների եւ խոչընդոտների։ Բժշկական կազմակերպությունը կարող է ընտրել շահառուն` ՀՀ առողջապահության նախարարի հրամանով հաստատված ցանկից։ Դրա համար անհրաժեշտ է այցելել ընտրած կազմակերպություն, հայտնել, որ հանդիսանում է սոցփաթեթի շահառու եւ ներկայացնել անձը հաստատող փաստաթուղթ։

Գործընթացի մանրամասներին ծանոթանալու համար եւ հետաքրքրող   բոլոր   հարցերի   պատասխանները կարող եք գտնել ՀՀ առողջապահության նախարարության  պաշտոնական կայքի   «Սոցիալական փաթեթ»   դարանում `  http://moh.am/#1/105։

Լրացուցիչ պարզաբանումների անհարժեշտության դեպքում  դիմել ՀՀ առողջապահության նախարարության «թեժ գիծ» ծառայությանը` 80-03 հեռախոսահամարով։