Կապան, Սիսիան, Վարդենիս, Ճամբարակ, Գավառ քաղաքների և հարակից համայնքների հղի կանանց, վաղ տարիքի երեխաների ծնողների և ընտանիքի այլ անդամների համար Վորլդ Վիժն Հայաստանը կազմակերպում է հանրային միջոցառումների շարք, որ նպատակ ունի ներկա և ապագա ծնողներին զինել անհրաժեշտ գիտելիքներով և հմտություններով՝ առողջ երեխաներ ունենալու և մեծացնելու համար:

Հուլիսի 2-ին Գավառում՝ Երիտասարդական կենտրոնի դահլիճում, և Վարդենիսում՝ Մհեր Մկրտչյանի անվան մշակույթի կենտրոնում, տեղի ունեցան «Պերինատալ և նորածնային խնամքի բարելավում Սյունիքի և Գեղարքունիքի մարզերում» ծրագրի հանրային միջոցառումների մեկնարկը:

Միջոցառումներին ներկա էին մանկաբույժն ու մանկաբարձ-գինեկոլոգը, որոնք անդրադառցան հղիության և նորածնային շրջանին վերաբերող հետևյալ խնդիրներին՝

  • սակավարյունությունը հղիության ընթացքում,
  • տրամադրության փոփոխություններ հետծննդաբերական շրջանում,
  • կրծքով սնուցում, վաղ մաշկային շփման խոչընդոտների հաղթահարում:

Այս միջոցառումները հիանալի հնարավորություն են ծնողների համար իրենց հետաքրքրող հարցերն ուղղելու մասնագետներին և լսելու նրանց խորհուրդները:   

Իրազեկման միջոցառումների ընթացքում երիտասարդ ծնողները կմասնակցեն ինտերակտիվ խաղերի, կստանան անակնկալ նվերներ, կհարստացնեն իրենց գիտելիքները երեխաների առողջ սնուցման և պատշաճ խնամքի վերաբերյալ, կլինեն նաև երաժշտական համարներ:

Օր

Ժամ

Վայր

Հուլիս 2

10:30 -13:00

Գավառ, Երիտասարդական կենտրոնի դահլիճ

Հուլիս 2

15:00 – 17:30

Վարդենիս, Մհեր Մկրտչյանի անվան մշակույթի կենտրոն

Հուլիս 3

12:00 – 14:30

Ճամբարակ, թիվ 2 դպրոց

Հուլիս 4

15:00 – 17:30

Կապան, «Մշակույթի կենտրոն»

Հուլիս 5

12:00 – 14:30

Սիսիան, Համո Սահյանի անվան մշակույթի կենտրոն