Այսօր ավելի քան երբեւէ ծնողներին շատ կարեւոր է իմանալ երեխաների մոտ 2-րդ տիպի շաքարախտի նշանները: Fox News-ի Health News-ի խմբագիր Մեննի Ալվարեսը երեխաների շաքարախտի կանխարգելման մասին զրուցել է Նյու Յորքի Gramercy Pediatrics կլինիկայի բժշկական տնօրեն Դայանա Հեսի հետ:

Ամերիկյան դիաբետիկ ասոցիացիայի տվյալներով՝ նախադիաբետը) նույնպես բնութագրվում է արյան մեջ գլյուկոզայի մակարդակի բարձրացումով, բայց ոչ այնքան, որպեսզի ախտորոշվի «դիաբետ»:

«Լավ նորությունն այն է, որ նախադիաբետը դարձելի է, այն ժամանակ, երբ շաքարախտն անդարձելի է», - ասաց Հեսը:

Առողջապահության մասնագետները կարծում են, որ դիաբետով տառապող երեխաների մեծ թվի պատճառը մանկական ճարպակալման համաճարակն է: Հեսի կարծիքով, հիվանդությունների կանխարգելումը հիմնականում սկսվում է ճիշտ վարքից: «Այնպես որ, եթե ձեր մայրիկը տան ճանապարհին չի պատրաստվում կանգ առնել Մակդոնալդսում, դուք Մակդոնալդս չեք ստանա» , - ասաց նա:

Հեսն ավելացրեց, որ ավելի մեծ տարիքի երեխաներին, ովքեր իրենց գրպանի գումարն ունեն, վերահսկելն իհարկե ավելի դժվար է, բայց երեխաների մեծամասնությունը լսում է իրենց բժիշկներին եւ նախադիաբետը  լուրջ է ընդունում:

Ահա նախադիաբետի մի քանի նշաններ.

- Ականտոզ ՝ պարանոցի մաշկի թեթեւ մգացում,  հատկապես հետեւի մասում: Այսպիսի ախտանշաններով երեխաների մոտ հաճախ սխալմամբ «պարանոցի էկզեմա» են ախտորոշում:

- Նույնպիսի մուգ մաշկ մարմնի փակ հատվածներում՝ թեւատակերում եւ աճուկային շրջանում:

- Շատ ջուր խմելը եւ հաճախամիզությունը (չնայած սա ավելի բնորոշ է 1-տիպի շաքարախտին)։

Շաքարախտի հակում ունեցող երեխաների արյան մեջ եռգլիցերիդների մակարդակը բարձր է լինում, եւ նրանք հաճախ բարձր զարկերակային ճնշում են ունենում որովայնի մեծ շրջագծի հետ մեկտեղ:

Հեսն ավելացրեց, որ ամենակարեւորը, ինչ կարող են ծնողներն անել շաքարախտի  կանխարգելման համար, դա առողջ սնունդն է վերամշակված մթեքի քիչ եւ բջջանքի  բարձր քանակությամբ, ինչպես նաեւ ֆիզիկական վարժությունների խրախուսումը:

«Ծնողները պետք է մանկաբույժների հետ աշխատեն: Դա պետք է թիմային աշխատանք լինի» , - ավելացրեց Ալվարեսը։