Հետևելով ՀՀ կառավարության կողմից որդեգրած քաղաքականությանը, ուղղված մարզերի համաչափ զարգացմանը, Հայաստանում մագնիսառեզոնանսային տոմոգրաֆիկ (ՄՌՏ) մեթոդի հիմնադիր բ.գ.թ. Արամ Քոչարյանի նախաձեռնությամբ «Ուլտրաիմիջինգ» ԲԿ-ը, որը հայտնի է իր բժիշկների երկու տասնամյակը գերազանցող փորձով և բարձր կոմպետենտությամբ,  կատարել է «իր քայլը», տեղադրելով «Ախուրյանի Մոր և Մանկան առողջության կենտրոն» -ի տարածքում  ՄՌՏ սարքավորում:

Երեկ Շիրակի մարզի ղեկավարության և բժշկական համայնքի ներկայությամբ, հանդիսավոր պայմաններում, սարքը հանձնվեց շահագործման:

Սա իր նախադեպը չունեցող Երևանից դուրս նման ծառայության հասանելի լինելու առաջին օրինակն է:

Հաշվի առնելով տարածաշրջանի ազգաբնակչության վճարունակությունը «Ուլտրաիմիջինգ» ԲԿ-ի տնօրինությունը հետազոտության արժեքը սահմանել է շուրջ 20%-ով ցածր, ի համեմատ  Երևանյան գլխամասի  գների:

Այլևս տեղի և մոտակա համայնքների  հիվանդները և նրանց հարազատները ստիպված չեն լինի վճարովի ծառայության համար հասնել Երևան:

Լուսանկարները Շիրակի մարզպետարանի պաշտոնական կայքից

http://shirak.mtad.am/news/item/2018/10/02/magnisa/