30-ամյա նախկին գիմնաստ Աննա Նորկվիստը ստաֆիլոկոկային վարակի զոհ է դարձել, որի պատճառով նրա մոտ թոքսիկ շոկ (TSS) է  առաջացրել:  Զարգացող վարակի պատճառով բժիշկները ստիպված էին անդամատել նրա աջ ձեռքը եւ ձախ ոտքը: Մարզուհու վիճակը շարունակում է ծանր մնալ:

Չբացահայտված պատճառներով՝ ստաֆիլոկոկը ներթափանցել է Աննայի արյան մեջ: Կնոջ առողջական վիճակն օրվա ընթացքում այնքան է վատացել, որ նա ի վիճակի չի եղել  ջուր խմելու համար գլուխը բարձրացնել:

Ընդհանուր առմամբ Աննային 10 վիրահատություն է արվել, այդ թվում ձեռքի եւ ոտքի անդամատում:

Մինչդեռ նա շարունակում է կիսագիտակից վիճակում լինել  եւ անգամ չի կասկածում, որ հաշմանդամ է դարձել:

Որպեսզի օգնեն կնոջը ուժեղ ցավերը հաղթահարել, բժիշկները բազմից նրան արհեստական կոմայի մեջ են գցել:

Բժիշկները չեն կարողանում պատասխանեկ այն հարցին, թե ինչպես  է ստաֆիլոկոկային վարակը ներթափանցել նրա օրգանիզմ՝ TSS-ի առաջացման պատճառ դառնալով:

 Ավելի վաղ կանացի միջադիրների պատճառով TSS զարգացման դեպքեր էին բացահայտվել, սակայն Աննայի հետ կապված դեպքը դրա հետ կապված չէ:

Ստաֆիլոկոկը կարող է արյան մեջ ներթափանցել վերքերի, այրվածքների միջոցով, կամ այնպիսի հիվանդություներից հետո բարդությունների դեպքում, ինչպիսիք են օրինակ՝ պնեւմոնիան: Դեպքերի մեծ մասի ժամանակ նախանշանները զարգանում են կայծակնային արագությամբ եւ նման են գրիպի նախանշաններին: Ստաֆիլոկոկերը կարող են նաեւ գանգրենայի զարգացման պատճառ դառնալ:

Առջեւում Աննային դեռ 6 ամիս ստացիոնար բուժում եւ վերականգման երկար փուլ է սպասվում:

Source: The Daily Mail

Photos: @Facebook