նախընտրելի դարձնել
Հոնգկոնգը հաստատեց մարդու մահացու H7N9 թռչնի գրիպով վարակվելու երկրորդ դեպքը:
Տուժածը՝ 80-ամյա տղամարդը հարեւան չինական Շենչժեն քաղաքից, ներկայումս գտնվում է կայուն վիճակում Հոնգկոնգի Տյուեն Մուն հիվանդանոցում, եւ պետք է տեղափոխվի մեկուսարան:
«Ոչ մի ապացույց չկա, որ այս վիրուսը կարող է կաույն կերպով փոխանցվել մարդուց մարդուն, այնպես որ լայնածավալ համաճարակի հավանականությունն այս փուլում բացակայում է», - ասաց Առողջության պահպանման կենտրոնի հսկիչ բժիշկ Լենգ Տինգ-Հունգը, տեղեկացնում է Fox News-ը։
Հիշեցնենք, որ մեկ շաբափ առաջ տեղեկություն էր ստացվել Ինդոնեզիացի տնային ծառա աշխատող 36-ամյա կնոջ մոտ թռչնի գրիպի հայտնաբերման մասին։
Կինը Շենչժեն կատարած ուղեւությունից եւ թռչնի հետ շփումից հետո վարակվել է H7N9 վիրուսով եւ հոսպիտալացվել սահմանային վիճակում:
«Ես չեմ կարծում, որ այս փուլում մենք կարող ենք որեւէ կապ գտնել այս երկու դեպքերի միջեւ: Մենք փաստեր չունենք, որ նրանք իրար հետ շփում են ունեցել», -ավելացրեց Լենգը:
