նախընտրելի դարձնել
Կինը դարձել է BBC Two-ում Hospital ծրագրի հերոսուհի: Ավելի վաղ նրա մոտ ախտորոշվել էր կրծքագեղձի քաղցկեղ, եւ նա ենթարկվել էր կրկնակի մաստէկտոմիայի: Սակայն որոշ ժամանակ անց բժիշկները նրան հայտնել են սարսափելի նորությունը՝ քաղցկեղը վերադարձել էր եւ այս անգամ ախտահարում էր նրա ոսկորները: Քեյթը միաժամանակ տեղեկացել է, որ գտնվում է հղիության 20-րդ շաբաթում:
Կինն արդեն մեկ երեխա ուներ եւ հանուն երկրորդի նա որոշել է հղիությունը չընդհատել ու հրաժարվել մետաստազների դեմ բուժումից, որը կարող էր ծանր վնաս հասցնել պտղի առողջությանը:
Աղջիկը լույս աշխարհ է եկել ժամկետից 6 շաբաթ վաղ, կեսարյան հատմամբ: Քեյթը միայն դրանից հետո է կարողացել սկսել ճառագայթային թերապիա ընդունել:
Բժիշկները խոստովանում են, որ չգիտեն, թե նրան ապրելու որքան ժամանակ է մնացել: Սակայն աշխարհի տարբեր երկրներից համացանցի օգտատերերը Քեյթին իրենց աջակցությունն են հայտնում՝ նշելով մայրական սիրո ուժը եւ ինքնազոհաբերման պատրաստակամությունը:
