Հազարավոր կանայք կարող են բաց թողնել կրծքագեղձի քաղցկեղի բուժման որոշ տաղտկալի միջամտություններ,օրինակ՝  վիրահատություն, ծանր քիմիոթերապիա եւ ճառագայթում, ընդ որում առանց ապրելիության շանսի նվազեցման, կարծում են նոր հետազոտության հեղինակները:

Հետազոտությունն ուղղված է կծքագեղձի քաղցկեղի բուժման ժամանակ  մեծ խնդիր հանդիսացող ավելորդ բուժման կրճատմանը:  Բուժումն օգնում է շատ կանանց հաղթահարել հիվանդությունը, բայց երբեմն լինում է չափից շատ եւ ոչ պետկական, ինչը հանգեցնում է ավելորդ ծախսերի, վնասվածքների եւ ողջ կյանքի ընթացքում պահպանվող  կողմնակի ազդեցությունների, օրինակ՝ ձեռքի այտուցի կամ սրտի հետ խնդիրների:  Իսկ ճառագայթումը կարող է նույնիսկ քաղցկեղի այլ տեսակների առաջացման պատճառ դառնալ:

Սան Անտոնիոյում կրծքագեղձի քաղցկեցի սեմինարին ներկայացված որոշ հետազոտություններ առանձնացրեցին մի խումբ հիվանդներ, ովքեր հանգիստ կարող էին խուսափել բուժման որոշ տեսակներից, հաղորդում է CBS News-ը:

Օրինակ, հետազոտությունը ցույց տվեց, որ շատ ծեր կանայք  քաղցկեղի վաղ շրջանների դեպքում կարող են բաց թողնել հետվիրահատական շրջանի ճառագայթումը:  Նրանք նաեւ կարծում են, որ վիրահատությունը չի կարող օգնել  քաղցկեղի բարձիթողի դեպքերում: Ինչպես նաեւ առաջարկեցին «թեթեւ քիմիա» տարբերակը, որը կարող է բուժման նոր չափանիշ դառնալ:

«Ավելի ու ավելի քիչ թերապիա»՝ սա է նոր   միտումը քաղցկեղի որոշ տեսակների համար, ասաց սեմինարի ղեկավարներից մեկը, Բեյլորի բժշկական քոլեջից բժիշկ Քենթ Օսբորնը:

Հնդկաստանում Մումբաիի Տատա Մոնրեալ  հիվանդանոցի տնօրեն բժիշկ Ռաջենդրա Բադվեն հետազոտեց տարածված քաղցկեղային հիվանդությամբ  350  կնոջ, ում քաղցկեղը մի փոքր հետ էր զարգացել առաջին գծի քիմիոթերապիայից հետո: Կեսին կատարվել էր կրծքագեղձի կամ ուռուցքի հեռացման վիրահատություն, իսկ մյուս կեսը չէր տարել այդ վիրահատությունը:

Մոտավորապես երկու տարուց  յուրաքանչյուր խմբի հիվանդների 40 տոկոսը ողջ էին, ինչն ապացուցում է, որ այս կանայք կարող էին խուսափել կրծքագեղձի կամ նրա մի մասի հեռացման փորձությունից:

Մեծամասամբ դեպքերում կրծքագեղձի քաղցկեղը հայտնաբերվում է վաղ փուլերում, եւ նրանցից շատերն ել ենթարկվում են  վիրահատական միջամտության, դրան հաջորդող հորմոնո կամ քիմիոթերապիայով, գումարած ճառագայթում: Բայց քաղցկեղի դեմ դեղամիջոցները դարձել են այնքան արդյունավետ քաղցկեղի ռիսկի ռեցիդիվի կրճատման  համար, որ բժիշկները սկսեցին կասկածել, արդյոք ճառագայթումը նախկինի պես արդյունավետ է: Դա կարող է սրտային կամ այլ խնդիրների պատճառ դառնալ, հատկապես ծեր կանանց շրջանում, իսկ երկու կամ երեք շաբաթ տեւող ամենօրյա  պրոցեդուրաները կարող են մեծ բեռ դառնալ:

Շոտլանդիայի Էդինբուրգի համալսարանի բժիշկ Յան Կանկլերը հետազոտեց 65 տարեկանից մեծ քաղցկեղի վաղ փուլում գտնվող 1326 հիվանդի: Դա ամենատարածված տարիքային խումբն է եւ քաղցկեղի ամենատարածված տեսակը: Ընդ որում ճառագայթում ստացան միայն նրանց կեսը:

Հինգ տարուց հետո,  հիվանդների  մոտավորապես 96%-ը յուրաքանչյուր խմբում ողջ էր, եւ մահերի մեծ մասը եղել  էր  ոչ կրծքագեղձի քաղցկեղից: Ճառագայթում ստացածների  1%-ի մոտ քաղցկեղը կրկնվել էր, այն դեպքում, երբ  ճառագայթում չստացածների մոտ այդ տոկոսը կազմել էր 4%: