նախընտրելի դարձնել
Բելգիայում առաջին անգամ կատուն վարակվել է կորոնավիրուսով, հաղորդում է The Brusseles Times-ը:
Ամենայն հավանականությամբ, կատուն վարակվել է իր տիրոջից:
Կատվի մոտ նկատվել են շնչառական խնդիրեր, փորլուծություն, փսխում: Անասնաբույժները թեստ են անցկացրել, եւ դրա արդյունքները դրական են եղել:
Դա կատվի վարակման առաջին հաստատված դեպքն է: Ավելի վաղ հաղորդվել է Հոնկոնգում շների վարակման 2 դեպքի մասին:
Մեկնաբանելով կատարվածը՝ Բելգիայի՝ կենդանիների պաշտպանության հարցերով ազգային խորհրդի փորձագետները նշել են, որ այժմ կենդանիները կորոնավիրուսի տարածման ակտիվ մասնակիցներ չեն համարվում:
ԱՄՆ Հիվանդությունների վերահսկման եւ կանխարգելման կենտրոնները հրապարակել են խորհուրդներ, թե ինչպես չվարակվել կենդանիներից:
- Լվացեք ձեռքերը կենդանիների հետ շփվելուց հետո
- Հետեւեք ձեր կենդանիների հիգիենային
- Եթե ձեր կենդանին առողջության հետ կապված խնդիրներ ունի, ապա մի հետաձգեք անասնաբույժի մետ այցելությունը:
Եթե դուք վարակվել եք, մի շփվեք ձեր կենդանիների հետ:
