նախընտրելի դարձնել
Առողջապահության նախարար Անահիտ Ավանեսյանը եւ նախարարի տեղակալ Արտյոմ Սմբատյանն աշխատանքային այցով եղել են «Աստղիկ» բժշկական կենտրոնում, ծանոթացել հաստատության պայմաններին, առկա հնարավորություններին եւ վերջին շրջանում կատարված բարեփոխումներին:
Կենտրոնի գլխավոր տնօրեն Ասատուր Ասատրյանի ուղեկցությամբ նախարարը շրջել է վերակենդանացման եւ այն բաժանմունքներում, որտեղ բուժում են ստանում արցախյան պատերազմում վիրավորում ստացած զինվորները:
Անահիտ Ավանեսյանը զրուցել է զինվորների հետ, հետաքրքրվել նրանց բուժման ընթացքով եւ մաղթել շուտափույթ ապաքինում:
Ոլորտի պատասխանատուները եղել են նաեւ գլխուղեղի սուր կաթվածի բուժման ծրագրի իրականացման համար առանձնացված ընդունարանում, հանդիպել «Աստղիկ» բժշկական կենտրոնի թիմի հետ: Նշենք, որ փետրվարի 1-ից կենտրոնը միացել է պետական ծրագրին:
Շրջայցի ընթացքում նախարարն ու փոխնախարարը նաեւ ծանոթացել են նախորդ տարվա ընթացքում իրականացված աշխատանքներին:
Ասատուր Ասատրյանը ներկայացրել է կենտրոնի առաջիկա զարգացման ծրագրերն ու առաջիկա անելիքները:
