նախընտրելի դարձնելԱնպտղության հաղթահարման պետական ծրագրի ընդլայնման արդյունքում «բեյբի բում» կարելի է սպասել հաջորդ տարվա կեսերից։ Այս մասին այսօր, հունվարի 9–ին, մամուլի ասուլիսի ժամանակ ասաց ՀՀ ԱՆ մոր և մանկան առողջության պահպանման վարչության պետ Նունե Փաշայանը։
«Բավականին երկարատև պրոցես է, երբեմն, սերմնավորումը արդյունք չի տալիս, ստիպված են դիմել բեղմնավորման և այլն։ Այսինքն, մեկուկես տարի հետո մենք իսկապես սպասում ենք «բեյբի բումի»», – ասաց նա։
Նախորդ տարիներին Անպտղության հաղթահարման պետական ծրագրի շրջանակում ծնվել է 250 երեխա։ Միայն 2022 թվականին ծնվել է 128 երեխա։ Այս մասին այսօր, հունվարի 9–ին, մամուլի ասուլիսի ժամանակ ասաց ՀՀ ԱՆ մոր և մանկան առողջության պահպանման վարչության պետ Նունե Փաշայանը։
Նրա խոսքով, եթե համեմատենք նախորդ տարիների հետ, ապա ծնունդների թիվը տարեց տարի աճել է, քանի որ տարեց տարի ավելացել է պետական ֆինանսավորումը։
Նա հիշեցրեց, որ ծրագիրը մեկնարկել է 2019 թվականի սեպտեմբերից։
Հիշեցնենք, որ հունվարի 5–ի կառավարության որոշմամբ ընդլայնվել է վերարտադրողական օժանդակ տեխնոլոգիաներով բուժօգնության իրավունքից օգտվելու իրավունք ունեցող քաղաքացիների շրջանակը:
Նոր որոշում. Անպտղության հաղթահարման ծրագրից Հայաստանում այսուհետ կկարողանան օգտվել բոլորը
