նախընտրելի դարձնել
ՀՀ առողջապահության նախարար Արմեն Մուրադյանն աշխատանքային այցով Լոռու Մարզում էր: Ստեփանավանի բժշկական կենտրոնում տնօրեն Ռոբերտ Կոծիկյանի ուղեկցությամբ նախարարը ծանոթացավ կենտրոնի նյութատեխնիկական և շենքային պայմաններին, շրջեց բաժանմունքներով:
ԱրմենՄուրադյանն իր գոհունակությունը հայտնեց հիվանդանոցի լաբորատոր հագեցվածությունից: Նախարարը եղավ նաեւ «Մանկան բարեկամ» ծննդատանը, վերակենդանացման բաժանմունքում եւ վիրահատարանում:
Հիվանդասենյակներում նա հետաքրքրվեց հիվանդների առողջական վիճակով, զրուցեց նրանց հետ:
«Գոհեմ այս բժշկական կենտրոնի թե՛բուժական գործունեությունից, թե՛ կադրային քաղաքականությունից, ինչը ոչ միայն տնօրենի, այլեւ մարզի բուժվարչության պետի, քաղաքապետի աշխատանքի շնորհիվ է»,- նշեց նախարարը:
Կենտրոնի տնօրենին հորդորեց վճարովի ծառայություններից գոյացած միջոցների հաշվին բարձրացնել բուժանձնակազմի աշխատավարձը:
Նույն օրն Արմեն Մուրադյանը Լոռու մարզպետ Արթուր Նալբանդյանի եւ նախարարության համապատասխան ստորաբաժանումների ղեկավարների հետ այցելեց նաեւ Վանաձորի բժշկական նոր կենտրոնի շինհրապարակ, ծանոթացավ ընթացիկ աշխատանքներին, տվեց հանձարարականներ:
