Գիտնականները պարզել են, թե ինչու մկանները չեն վերականգնվում և տարիքի հետ քայքայվում են, ինչը տարեց մարդկանց հնարավորություն կտար ավելի երկար պահպանել ֆիզիկական ուժը: Հետազոտության արդյունքները հրապարակված են Journal of Tissue Engineering and Regenerative Medicine ամսագրում:

Նոթինգհեմի Թրենտ համալսարանի գիտնականները վերլուծել են մկանային բջիջներում հայտնաբերված գեները՝ պարզելու, թե ինչպես են դրանց բնութագրերը տարբերվում 20-60 տարեկան մարդկանց միջև:

30 տարի հետո մկանային զանգվածը նվազում է մեկ տասնամյակի ընթացքում մոտ 3-8%-ով, իսկ 60 տարի անց այդ գործընթացն արագանում է։

Նրանք պարզել են, որ երիտասարդ գեներն ուժեղ ազդանշաններ են ուղարկում, որոնք խրախուսում են մարմնին ամբողջությամբ վերականգնել վնասը, մինչդեռ տարեց բջիջների գեներն ավելի վատ են գործում՝ կանխելով լիարժեք վերականգնումը:

Արդյունքում, գեների վատ գործունեությունը հանգեցնում է ավելի բարակ և պակաս դիմացկուն «մյոխողովակների» առաջացմանը՝ բջիջների մի տեսակ, որը կարող է ամբողջությամբ վերածվել մկանային մանրաթելի։

«Բջջային գործընթացները և զարգացումը վերահսկող ուղիները տարեց բջիջներում տարբեր կերպ են աշխատում, դրանց կարգավորումն իջնում է, ինչը նշանակում է, որ տարիքի հետ վերականգնումը խաթարվում է: Սակայն, եթե մենք կարողանանք հասկանալ այդ ուղիները, մենք կարող ենք գտնել նոր բուժում և միջամտություններ՝ այս խնդիրը մեղմելու համար», - ասում է առաջատար հետազոտող դոկտոր, Նոթինգհեմի Թրենտ համալսարանի գիտության և տեխնոլոգիայի դպրոցի մկանային-կմախքային կենսաբան Լիվիա Սանտոսը։