նախընտրելի դարձնել
Առողջապահության նախարարության կողմից Հայաստանում իրականացվող սկրինինգային ծրագրերն ուղղված են հիմնականում կանանց և երեխաներին, բայց չպետք է սահմանափակվեն նրանցով։ Այս մասին նոյեմբերի 15-ին Ազգային ժողովի նիստում ասել է հանրապետության առողջապահության նախարար Անահիտ Ավանեսյանը՝ պատասխանելով պատգամավորների հարցերին։
Նախարարի խոսքով՝ պետք է հաշվի առնել նաև երկրի բնակչության արական հատվածի իրավունքները, և դրանք հաշվի են առնվում։
«Սկրինինգային ծրագրերը յուրատեսակ անկյունաքար կդառնան առողջության ապահովագրության համակարգում»,- ասել է Ավանեսյանը։
Սակայն առողջության ապահովագրության փաթեթը կգործարկվի միայն այն դեպքում, եթե քաղաքացին մեկ տարվա ընթացքում բարեխղճորեն անցնի անհրաժեշտ բուժզննում։
«Նույնը վերաբերում է սկրինինգային ծրագրերին»,- նշել է կառավարության ներկայացուցիչը։
