նախընտրելի դարձնել
2024 թվականի սկզբին Հայաստանի մի քանի բուժհաստատություններում կգործարկվի «Առողջապահական ծառայությունների որակի բարելավման» պիլոտային ծրագիր։ Այս մասին հայտնում է ՀՀ Առողջապահության նախարարությունը։
Առողջապահական ծառայությունների որակը բարելավելու, բարեփոխումները հասցեատերերին` պացինետներին ու բուժառուներին հասցնելու համար առողջապահության նախարարությունը և Ասիական զարգացման բանկը երկօրյա համաժողով էր կազմակերպել:
Ծավալված ակտիվ քննարկումներին մասնակցում էին ներկայացուցիչներ ԱՀԿ-ից, Հայաստանի Ամերիկյան համալսարանից, Համաշխարհային բանկից, միջազգային փորձագետներ, ինչպես նաև` տեղի տարբեր բժշկական հաստատությունների մասնագետներ։
Համաժողովի նպատակը «Առողջապահական ծառայությունների որակի բարելավման» ծրագրի մշակված մոդելը բժշկական հաստատություններում ներդնելուց առաջ այդ կենտրոնների ներկայացուցիչների դիտարկումները լսելը, ինչպես նաև միջազգային փորձին ծանոթանալն էր:
Արդյունքում որոշվեց ձևավորել «Առողջապահական ծառայությունների որակի բարելավման» պիլոտային ծրագրի առավել արդյունավետ մոդել, որը 2024 թվականի սկզբին կգործարկվի Հայաստանի մի քանի բուժհաստատություններում։
