Կալիֆոռնիայի վերջին տվյալները ցույց են տալիս շտապ օգնության բաժանմունքներ այցելությունների, հոսպիտալացումների և շների կծելու հետևանքով մահվան դեպքերի քանակի ավելացում, ընդ որում նոր ռեկորդները սահնանվել են  COVID-ի պատճառով  կարանտինից հետո, հայտնում է Medical Xpress-ը։

Ըստ առողջապահության և տեղեկատվության հասանելիության պետական դեպարտամենտի, 2022 թվականին Կալիֆոռնիայում արձանագրվել է շների կծելու պատճառով  48,596 այց շտապ օգնության բաժանմունքներ  կամ 125 այց  100,000 բնակչի հաշվով, ինչը 70% -ի աճ է 2005 թվականի համեմատ։

2006-2022 թվականներին հոսպիտալացումների թիվը գրեթե  կրկնապատկվել է։ Եվ չնայած շների կծելուց  մահվան դեպքերը չափազանց հազվադեպ են, Կալիֆոռնիայում մահացության մակարդակը մոտավորապես նույն ժամանակահատվածում աճել է մոտ 70%-ով, 2018-ից 2022 թվականներին նահանգում գրանցվել է մահվան 28 դեպք։

Համաձայն ԱՄՆ Հիվանդությունների վերահսկման և կանխարգելման կենտրոնների տվյալների, ազգային մակարդակով  շների կծելը  2022 թվականին 96 մահվան հիմնական պատճառ է եղել, մինչդեռ մահացության մակարդակը կրկնապատկվել է 2005-ից մինչև 2022 թվականը:

Դեռևս  համավարակից առաջ ավելի շատ ամերիկացիներ սկսեցին շներ պահել: Ամերիկյան անասնաբուժական բժշկական ասոցիացիայի գնահատմամբ, 2020 թվականին ամբողջ երկրի տնային տնտեսություններում կար մոտ 86 միլիոն շուն՝ 2001 թվականի մոտ 62 միլիոնի դիմաց: Համավարակը արագացրել է այս միտումը, քանի որ ևս միլիոնավոր  մարդիկ որդեգրել են շան ձագեր՝ մեկուսացման ժամանակ ընկերակցություն ապահովելու համար:

Սակայն կարանտինը խոչընդոտել է շան ձագերի սոցիալականացմանը, ասում է Էլիզաբեթ Սթելոն՝ Կալիֆորնիայի համալսարանի Դեվիսի անասնաբուժական ուսումնական հիվանդանոցի վարքագծի ծառայության ղեկավարը: Ըստ նրա, առողջ զարգացման համար ձագերը պետք է  ընդունելի վարքագծի վարժվեին կյանքի առաջին 3-16 շաբաթների ընթացքում։