Իսպանիայում գտնվող բրիտանացի զբոսաշրջիկներին զգուշացրել են վիրուսի մասին, որը սպանում է 10 հիվանդից չորսը: Իսպանիայում ապրող բրիտանացիներին նախազգուշացրել են մահացու վիրուսի մասին, որը սպանում է զոհերի «40 տոկոսին», քանի որ կոնգո-ղրիմյան հեմոռագիկ տենդը գրանցվել է Եվրամիության հանգստյան գոտում, գրում է Birmingam Live-ը։ Իսպանիայի Կաստիլիա և Լեոն նահանգի առողջապահության նախարարությունը հաստատել է վարակի դեպք։ Հաղորդվում է, որ հիվանդի վիճակը ծանր է, բայց կայուն: Ախտանիշները ներառում են ջերմություն և գլխապտույտ, ինչպես նաև գլխացավ, մեջքի ցավ, աչքի ցավ, պարանոցի ցավ, լույսի նկատմամբ զգայունություն, սրտխառնոց, փսխում, փորլուծություն, որովայնի ցավ, կոկորդի ցավ և տրամադրության փոփոխություններ: Նշանները ներառում են նաև շփոթություն, դեպրեսիա, այտուցված ավշային հանգույցներ և արագ սրտի բաբախյուն: Կոնգո-ղրիմյան  հեմոռագիկ տենդը մարդկանց մոտ փոխանցվում է վարակված տզերի խայթոցների միջոցով (հիմնականում Hyalomma սեռից) կամ վարակված տզերի, վիրուսային հիվանդների կամ վիրուսային անասունների արյան կամ հյուսվածքի հետ անմիջական շփման միջոցով: