նախընտրելի դարձնել
Առաջին հիվանդը, որին գենետիկորեն ձևափոխված խոզի երիկամ է պատվաստվել, մահացել է վիրահատությունից մոտ երկու ամիս անց, շաբաթ օրը հայտնել են նրա ընտանիքը և հիվանդանոցը, որտեղ կատարվել է վիրահատությունը, հաղորդում է AP-ն:
Մարտին Ռիչարդ Սլեյմանը 62 տարեկան հասակում երիկամի փոխպատվաստման վիրահատություն է ունեցել Մասաչուսեթսի գլխավոր հիվանդանոցում:
Վիրաբույժները հայտարարել էին, որ, իրենց կարծիքով, խոզի երիկամը կարող է ծառայել առնվազն երկու տարի:
Մասաչուսեթսի գլխավոր հիվանդանոցի փոխպատվաստման թիմը խորը վիշտ է արտահայտել Սլեյմանի մահվան կապակցությամբ և ցավակցություն հայտնել նրա ընտանիքին: Նրանց կարծիքով, իրենք նախանշաններ չունեն, որ նա մահացել է փոխպատվաստման հետևանքով:
Մասաչուսեթսի բնակիչը դարձել էր առաջին կենդանի մարդը, որը ենթարկվել էր այս վիրահատությանը: Նախկինում խոզի երիկամները ժամանակավորապես փոխպատվաստում էին մահացած ուղեղով դոնորների: Երկու տղամարդու խոզի սրտի փոխպատվաստում էին արել, բայց երկուսն էլ մահացել էին մի քանի ամսվա ընթացքում:
