Բարձր զարկերակային ճնշումը՝ սրտի կաթվածի եւ ինսուլտի զարգացման այս գործոնը, բուժման ենթարկվող է, բայց հասուն բնակչության մոտավորապես մեկ քառորդը չգիտի դրա մասին, ասվում է նոր մեծ հետազոտության մեջ:

Իրենց հիվանդության մասին իմացողների մեջ կան շատերը ովքեր ի վիճակի չեն կարգավորել իրենց ճնշումը, ասաց հետազոտության առաջատար հեղինակ, Նեշվիլի  Վանդերբիլտի Համալսարանի բժշկական դպրոցի սրտաբան, բժիշկ Ուչեչուկվու Սամպսոնը:

Սամպսոնի հետազոտության շրջանակներում ավելի քան 69,000 տղամարդ եւ կին հարցվել են, թե ինչքան հաճախ են նրանք բարձր զարկերակային ճշում ունենում: Նրանցից 57%-ը  հաղորդել էր, որ ունեցել է բարձր զարկերակային ճնշում:

«Բարձր զարկերակային ճնշում ունենալու մասին հաղորդած մարդկանց շրջանում սեւամորթների ավելի քան կեսը եւ սպիտակամորթների կեսը ունեցել են չկարգավորվող զարկերակային ճնշում»,- ասաց Սամպսոնը:  «Իսկ զարկերակային ճնշում չունեցողների մեջ, սեւամորթների համարյա քառորդը եւ սպիտակամորթների մեկ  քառորդը  ունեին բարձր զարկերակային ճնշում,  բայց չգիտեին դրա մասին»,-  նշեց նա, հաղորդում է Newsmax Health-ը:

Հետազոտության արդյունքներն ուսումնասիրած փորձագետի խոսքով, եզրակացույթունները ցույց են տալիս,  որ բարձր զարկերակային ճնշումը բավականին տարածված երեւույթ է, եւ հնարավոր է,  չի բուժվում  երաշխպավորված կարգավորման սկզբունքների կիրառմամբ:

«Այս հետազոտությունը ցույց տվեց, որ բարձր զարկերակային ճնշումը շարունակում է մեծ խնդիր  մնալ այս  երկրում »,- ասաց Փենսիլվանիայի  Պերելմանի համալսարանի բժշկական դպրոցի ինվազիվ սրտաբան եւ պրոֆեսոր, բժիշկ Դանիել Կոլանսկին:

Կոլանսկին ասաց, որ բժիշկները սովորաբար կառավարում են զարկերակային ճնշումը սովորական այցելությունների ժամանակ: Նա առաջարկեց հիվանդներին խոսել իրենց բժիշկների հետ. «Դուք պետք է ասեք, թե ինչքան է ձեր զարկերակային ճնշումը, արդյոք հեշտ է այն կառավարվում, եւ կա ուրիշ ինչ-որ բան, որ պետք է անել»:

Սամպսոնը նշեց, որ ավելի լիարժեք տեղեկություններ են պետք ՝ հասկանալու համար, թե ինչու այդքան շատ մարդ խորհրդատվություն չի ստանում գերճնշումը բուժելու համար: