նախընտրելի դարձնել
Կոլումբիայի համալսարանին առընթեր Մայլմանի Հանրային առողջության դպրոցի գիտնականները հայտարարել են, որ կանոնավոր վարժությունները կարող են նվազեցնել շաքարախտից մահվան վտանգը։ Արդյունքները հրապարակված են Diabetes Care (DiaCare) կայքում։
Հետազոտողները վերլուծել են ախտորոշված շաքարային դիաբետով 20 տարեկանից բարձր մարդկանց առողջության և ապրելակերպի մասին տեղեկությունը: Հարցվածների կեսը հինգ տարի կամ ավելի քիչ տառապել է հիվանդությունից, իսկ 34%-ը ավելի քան 10 տարի տառապել է այդ հիվանդությունից։ Մասնակիցները մշտադիտարկվել են հաջորդ մի քանի տարիների ընթացքում: Նրանք գիտնականներին պարբերաբար տեղեկացրել են իրենց ֆիզիկական ակտիվության մակարդակի և մարզումների ժամանակացույցի փոփոխությունների մասին:
Դիտարկման փուլում գիտնականներն արձանագրել են մահաբեր վախճանների թիվը։ Պարզվել է, որ շաբաթական 10 րոպեից պակաս մարզվող մարդկանց շրջանում տարբեր պատճառներով (ներառյալ շաքարախտի բարդությունների) վաղաժամ մահվան վտանգն ամենաբարձրն է եղել։
Գիտնականների կարծիքով՝ առողջապահության ոլորտի մասնագետները պետք է հատուկ ուշադրություն դարձնեն երկարատև նստակյաց աշխատանքով զբաղվող մարդկանց ֆիզիկական ակտիվության խրախուսմանը։ Դրանց թվին են պատկանում վարորդները և գրասենյակային աշխատողները:
