նախընտրելի դարձնել
Weill Cornell Medicine-ի գիտնականների իրականացրած նախակլինիկական հետազոտության համաձայն՝ էստրոգեն հորմոնը կարգավորում է կանանց կողմից ալկոհոլի չափից ավելի օգտագործումը։
Հետազոտության ընթացքում առաջին անգամ հաստատվել է, որ շրջանառվող էստրոգենը մեծացնում է ալկոհոլի օգտագործումը կանանց մոտ եւ նպաստում այդ վարքագծի գենդերային տարբերություններին: Արդյունքները, որոնք հրապարակվել են Nature Communications ամսագրում, կարող են հանգեցնել ալկոհոլի հետ կապված խանգարումների բուժման նոր մոտեցումների:
Չնայած գիտնականները կասկածում էին, որ էստրոգենը կարող է ազդել ալկոհոլի օգտագործման վրա, նրանք զարմացած էին դրա գործողության մեխանիզմից։ Այս ստերոիդ հորմոնը սովորաբար կարգավորում է վարքը՝ կապվելով ռեցեպտորների հետ, որոնք այնուհետեւ մտնում են բջջի միջուկ, որտեղ նրանք փոխում են որոշակի գեների ակտիվությունը, գործընթաց, որը կարող է տեւել մի քանի ժամ:
Հետազոտողները փորձարկել են էստրոգենը, որը ձեւափոխվել է այնպես, որ չի կարողացել ներթափանցել բջիջների մեջ եւ կապվել միջուկային ռեցեպտորների հետ. այս ձեռքբերումը կատարել է դոկտոր, Weill Cornell Medicine-ի բժշկական դպրոցի դեղաբանության ամբիոնի դոցենտ Ջեյքոբ Ջերին: Նրանք պարզել են, որ երբ էստրոգենը նպաստում է չափից շատ ուտելուն, հորմոնը կապվում է նեյրոնների մակերեսի ռեցեպտորների հետ, որտեղ այն ուղղակիորեն կարգավորում է միջբջջային հաղորդակցությունը:
«Մենք կարծում ենք, որ սա առաջին դեպքն է, երբ ինչ-որ մեկը ցույց է տվել, որ նորմալ էստրալ ցիկլի ժամանակ էստրոգենը, որն արտադրվում է ձվարանների կողմից, կարող է կիրառել վարքը վերահսկելու նման արագ մեխանիզմ»,- նշել է գիտնականը։
Այս արագ գործողությունը հանգեցնում է ալկոհոլի չափից ավելի օգտագործման էստրոգենի բարձր մակարդակի դեպքում։
Ներկայում հետազոտողներն ուսումնասիրում են այս ազդեցության ազդանշանային մեխանիզմները, ինչպես նաեւ ուսումնասիրում են՝ արդյո՞ք նույն համակարգը կարգավորում է ալկոհոլի օգտագործումը տղամարդկանց մոտ։
