նախընտրելի դարձնելՀայաստանում առաջին անգամ իրականացվել է SMILE նորագույն մեթոդով տեսողության լազերային շտկում։ Միջամտությունն իրականացրել են Teona նորարարական ակնաբուժական կլինիկայի հմուտ մասնագետները։ SMILE մեթոդը թույլ է տալիս առանց այրող լազերի, նվազագույն միջամտությամբ վերականգնել պացիենտի տեսողությունը։
Ի՞նչ է SMILE մեթոդը
SMILE (Small Incision Lenticule Extraction) մեթոդը տեսողության լազերային շտկման ամենանորարար և անվտանգ տեխնոլոգիան է, որը կատարվում է գերմանական Carl Zeiss ընկերության VisuMax ֆեմտովայրկյանային լազերի միջոցով։ Այս մեթոդը հնարավորություն է տալիս առանց էքսիմերային լազերի միջամտության, միայն փոքր կտրվածքով շտկել կարճատեսությունը և աստիգմատիզմը։
Ինչու՞ ընտրել SMILE
SMILE մեթոդը մի շարք առավելություններ ունի տեսողության շտկման մյուս տարբերակների համեմատ, որոնցից են՝
- Արագ վերականգնում – Վիրահատությունից ընդամենը մեկ ժամ անց պացիենտը կարող է վերադառնալ իր առօրյային
- Անցավ – Վիրահատությունը կատարվում է տեղային անզգայացմամբ․ պացիենտը միջամտության ընթացքում որևէ ցավ չի զգում
- Աչքի բնական կառուցվածքի պահպանում – միջամտությունը այրող էքսիմերային լազերի փոխարեն իրականացվում է կտրող ֆեմտովայրկյանային լազերի միջոցով, որի օգնությամբ եղջերաթաղանթի հաստության մեջ ձևավորվում է հյուսվածքի որոշակի քանակ, որը հեռացվում է ընդամենը 2-3 մմ միկրոկտրվածքով։ Այս կերպ եղջերաթաղանթի բիոմեխանիկան մնում է կայուն, ինչը մինչև մեկ տոկոսի է հասցնում բարդությունների առաջացման հավանականությունը։
- Մանր կտրվածք – 2-3 մմ կտրվածքը նվազագույն է՝ համեմատած այլ լազերային միջամտությունների հետ։
- Չոր աչքի համախտանիշի ցածր հավանականություն – SMILE-ը նվազագույն է ազդում աչքի վրա՝ նվազագույնի հասցնելով չոր աչքի համախտանիշի հավանականությունը։
Միջազգային փորձ և վերապատրաստումներ
ԹԵՈՆԱ-ի թիմը SMILE մեթոդի ներդրմանը սկսել է պատրաստվել դեռևս 4 տարի առաջ։ Կլինիկայի թիմը ներառում է ոլորտի առաջատար մասնագետներ, որոնց թվում են ակնաբույժներ և ռեֆրակցիոն վիրաբույժներ Ժասմեն Հարությունյանը և Մարիամ Ղազարյանը։ Նրանք միջազգային վերապատրաստումներ են անցել Իտալիայում, Ֆրանսիայում, Ավստրիայում, Ռուսաստանում, Իսպանիայում և Չեխիայում, ինչպես նաև Carl Zeiss ընկերության փորձագետների կողմից հենց Հայաստանում։ Zeiss ընկերության փորձագետների ուղեկցությամբ դասընթացներին մասնակցությունը շարունակական բնույթ է կրում։
Անվճար նախավիրահատական խորհրդատվություն
ԹԵՈՆԱ կլինիկան տրամադրում է անվճար նախավիրահատական խորհրդատվություն՝ ներկայացնելով լազերային շտկման տարբերակները, նախապատրաստման և վերականգնման փուլերը։ Յուրաքանչյուր պացիենտի համար ընտրվում է բուժման անհատական ընթացք՝ հիմնված աչքի վիճակի և կարիքների վրա։
ԹԵՈՆԱ ակնաբուժական կլինիկան գտնվում է Երևանի սրտում՝ Խանջյան 41 հասցեում։ Հեռախոս՝ 094-212-818։
Կլինիկան գործում է երկուշաբթիից շաբաթ՝ միշտ պատրաստ օգնելու վերականգնել Ձեր տեսողության պարզությունն ու բարձրացնելու կյանքի որակը։
