նախընտրելի դարձնելՇատ կարեւոր է պետության կողմից հատկացվող միջոցների ծախսման արդյունավետության մոնիթորինգը։ Այս մասին հունվարի 30-ին լրագրողների հետ զրույցում ասել է ՀՀ առողջապահության նախարար Անահիտ Ավանեսյանը։
Նրա խոսքով, եթե լինի պատշաճ հիմնավորում, ապա ֆինանսավորում կտրամադրվի։
«Այս տարվա հունվարին առաջին անգամ իրականացվել է ֆինանսավորում նախորդ ժամանակահատվածի համար։ Սա շատ կարեւոր է, քանի որ նախկինում տարվա առաջին ֆինանսավորումը եղել է փետրվարին։ Այս տարի մենք ավելի արագ ենք ավարտում ֆինանսավորումը։ «Դեկտեմբերի առաջին 15 օրերին պետականպատվերների մասով բյուջեի կատարողականն ավելի բարձր է եղել, քան նախորդ միջին ամսական ցուցանիշը։ Եվ մենք հարցեր ունենք, թե ինչու է որոշ ծրագրերի բյուջեի կատարման մակարդակն ավելի բարձր եղել»,- ասել է նա։
Նախարարն ավելացրել է, որ իրենք պետք է այնպես անեն, որ պետպատվերների ավելացումը հիմնված լինի օբյեկտիվ տվյալների վրա, եւ երբ առողջապահության նախարարությունն ավարտի հարցի ուսումնասիրությունը, այդ ժամանակ վճարումը կկատարվի։
Նախարարը կարծում է, որ իշխող «Քաղաքացիական պայմանագիր» կուսակցության պատգամավոր Վահագն Ալեքսանյանը, որը նախօրեին խորհրդարանում բարձրացրել էր, այսպես կոչված, «նվիրատվությունների» թեման պետպատվերով բուժվող հիվանդների կողմից, ճիշտ հայտարարություններ է արել, որպեսզի բոլորն իմանան, թե ինչ են վճարում են եւ ինչ փաստաթղթեր են ստորագրում։ Նա միաժամանակ չի կարծում, թե Վահագն Ալեքսանյանի գործողություններն ուղղված են անձամբ իր դեմ։
«Մեր իշխանությունները երբեք նպատակ չեն ունեցել ինչ-որ բան թաքցնել։ Ընդհակառակը, մենք բոլոր խնդիրները թափանցիկ ենք քննարկում։ Ամենակարեւոր ցուցանիշը առողջապահության ցուցանիշների բարելավումն է, որը տարեցտարի արձանագրում ենք»,- եզրափակել է Ավանեսյանը։
