Համաճարակի սկսվելուց հետո առաջին անգամ ԱՄՆ-ում ավելի շատ մարդ մահացել է գրիպից, քան COVID-19-ից

Համաճարակի սկսվելուց հետո առաջին անգամ Միացյալ Նահանգներում ավելի շատ մարդ է մահացել գրիպից, քան COVID-19-ից՝ հունվարի 25-ին ավարտվող շաբաթվա ընթացքում, համաձայն Հիվանդությունների վերահսկման և կանխարգելման կենտրոնների (CDC) հրապարակած շաբաթական տվյալների, հայտնում է CBS News-ը:

Հունվարի 25-ին ավարտվող շաբաթվա ընթացքում ամբողջ երկրում մահացությունների գրեթե 1,7%-ը կապված է եղել գրիպի հետ՝ համեմատած COVID-19-ով պայմանավորված դեպքերի մոտ 1,5%-ի հետ, ըստ CDC-ի: Գրիպի պատճառով հոսպիտալացումների թիվն ավելի քան երեք անգամ գերազանցում է COVID-19-ի պատճառով հոսպիտալացումների թիվը՝ այս սեզոնին գրիպով վարակման ռեկորդային ալիքի պայմաններում։ CDC-ի մասնակի տվյալները ցույց են տալիս, որ գրիպից մահացության մակարդակը կարող է արդեն հասել 2%-ի փետրվարի 1-ին ավարտվող շաբաթվա համար, ինչը նույնպես գերազանցում է COVID-19-ից մահացության մակարդակը ողջ երկրում, որը տատանվել է շուրջ 1,5%: Ավելի ամբողջական տվյալները սպասվում է ուրբաթ օրը։ 22 նահանգներում գրիպից մահացության մակարդակը գերազանցել է COVID-19-ից մահացության մակարդակը 2025 թվականի առաջին հինգ շաբաթվա ընթացքում։ Գրիպից և COVID-19-ից մահացությունների միջև տարբերությունն ամենամեծն է Կալիֆոռնիայում, Հավայան կղզիներում, Վաշինգտոնում, Օրեգոնում և Վայոմինգում, որտեղ գրիպից շաբաթական մահացությունների տոկոսն առնվազն երկու անգամ գերազանցում է COVID-19-ի մահերի տոկոսը: