Կրծքագեղձի քաղցկեղից մահացության ցուցանիշը 2025 թվականին ԵՄ-ի և Մեծ Բրիտանիայի բոլոր տարիքային խմբերում կնվազի, բացառությամբ 80 տարեկան և բարձր տարիքի հիվանդների:

Կանխատեսվում է, որ տարեց հիվանդների շրջանում հիվանդությունից մահացության ընդհանուր մակարդակը 2025 թվականին մոտ 10%-ով կավելանա:

Կանխատեսումը հրապարակվելէ Annals of Oncology բժշկագիտական  հանդեսում։

Մեծ Բրիտանիայում այս տարիքային խմբում կրծքագեղձի քաղցկեղից մահացությունը 2015-2019 թվականների ցուցանիշների համեմատ 7%-ով կնվազի: Միաժամանակ Իսպանիայում գրանցվել է 80 և ավելի տարեկան հիվանդների թվի 4 տոկոս նվազում։

Միլանի համալսարանի բժշկական վիճակագրության և համաճարակաբանության պրոֆեսոր Կառլո Լա Վեկիայի գլխավորությամբ գիտնականները կասկածում են, որ ԵՄ-ում տարեց հիվանդների շրջանում կրծքագեղձի քաղցկեղից մահացության աճի պատճառն այն է, որ 80 և ավելի տարեկան կանայք պարբերաբար չեն հետազոտվում կրծքագեղձի քաղցկեղի համար և հազվադեպ են հիվանդանում:

«Վերջին մի քանի տասնամյակների ընթացքում Հյուսիսային և Կենտրոնական Եվրոպայի երկրների մեծ մասում ավելորդ քաշի և ճարպակալման տարածվածության աճը հանգեցրել է կրծքագեղձի քաղցկեղի զարգացման ռիսկի բարձրացմանը: Տարեց մարդկանց շրջանում դա չի փոխհատուցվում բարելավված ախտորոշմամբ և տնօրինմամբ: 80 և ավելի բարձր տարիքի մարդկանց մահացության աճը դրանով կարելի է բացատրել»,- նշել է գիտնականը։